उत्तर प्रदेश 2022 च्या निवडणुकीत भाजपने पुन्हा राज्यात पुनरागमन केले आहे. दरम्यान, भाजपचे उमेदवार आणि माजी आयपीएम असीम अरुण (Asim Arun) चर्चेत आहेत. कन्नौज सदर जागेवरून निवडणूक जिंकलेल्या असीम अरुण यांनी विजयानंतर त्यांच्यासमोर उभे असलेले सपा उमेदवार आणि कन्नौज सदर जागेवरून तीन वेळा आमदार राहिलेले अनिल दोहरे (Anil Dohra) यांचे आशीर्वाद घेतले आहेत.(asim-arun-was-the-first-to-do-this-work-after-the-victory)
विजयानंतर असीम अरुण यांनी अनिल दोहरे यांच्या घरी जाऊन त्यांची भेट घेतली आणि त्यांचे आशीर्वादही घेतले. यासोबतच कन्नौज सदर जागेवरून विजयी झालेले माजी आयपीएस असीम अरुण यांनीही आपल्या ट्विटरवर दोघांचा एक फोटो शेअर केला आहे. त्यांनी शेअर केलेल्या फोटोमुळे आणि त्यावरील कमेंटमुळे त्यांचे सर्वत्र कौतु होत आहे.
आदरणीय बड़े भाई श्री अनिल दोहरे जी से आज शाम उनसे उनके घर पर आशीर्वाद प्राप्त किया।
अनिल भाई के विरुद्ध चुनाव में प्रतिभाग करना बहुत कठिन कार्य था।
आपका पंद्रह वर्षों का विस्तृत अनुभव रहा है एवं साथ मिल कर विकास कार्य करने पर सहमति बनी। pic.twitter.com/PjIfEjSw2G
— Asim Arun (@asim_arun) March 10, 2022
फोटो शेअर करताना असीम अरुणने लिहिले, आदरणीय थोरले बंधू श्री अनिल दोहरे जी यांचे आज संध्याकाळी त्यांच्या घरी जाऊन आशीर्वाद घेतले. अनिलभाईंच्या विरोधात निवडणुकीत भाग घेणं खूप अवघड काम होतं. आपल्याकडे पंधरा वर्षांचा मोठा अनुभव आहे म्हणूनच एकत्रितपणे विकासकामे करण्याची सहमती असावी. असीम अरुणच्या या भेटीचे सोशल मीडियावर खूप कौतुक होत आहे.
कन्नौज सदर जागेवर झालेल्या निवडणुकीच्या निकालाबद्दल सांगायचे तर या जागेवर चुरशीची स्पर्धा होती. पोलिस आयुक्तपद सोडून भाजपच्या तिकिटावर निवडणूक लढवलेल्या असीम अरुण यांना 120876 मते मिळाली. त्याचवेळी त्यांच्यासमोर उभे असलेले अनिल दोहरे यांना 114786 मते मिळाली. अशाप्रकारे कन्नौज सदर जागेवर 6090 मतांनी विजयी झालेल्या असीम अरुण यांनी विजयाची हॅट्ट्रिक करणाऱ्या सपा उमेदवाराचा पराभव केला.
सुरुवातीला हा निर्णय धक्कादायक वाटला. मात्र निवडणुकीला सुरुवात होताच भाजपचा हा डाव प्रभावी ठरला. नवा चेहरा समोर पाहून भाजपच्या संघटनेत नवा उत्साह संचारला. एक चांगला पर्याय मतदारांसमोरही आला. त्यामुळेच गेल्या निवडणुकीत जी जागा भाजपला मोदी लाटेतही जिंकता आली नव्हती, ती जागा यावेळी सपाकडून चुरशीच्या स्पर्धेत जिंकण्यात यश आले.
सुरुवातीपासूनच आपल्या विजयाचा आत्मविश्वास असलेल्या सपाचे अनिल दोहरे यांना भाजपची मजबुती तोडता आली नाही आणि विजयाचा फडशा पाडण्याचे त्यांचे स्वप्न भंगले. निवडणुकीतील पराभव कोणालाही दुःखी करतो, परंतु विजयी उमेदवाराला विजयानंतर लगेचच आपल्यासमोर नम्रपणे पाहून अनिलला दुप्पट आनंद झाला. त्याने असीमला विजयासाठी शुभेच्छा दिल्या.
