बॉलिवूडचे दिग्गज अनुपम खेर यांना परिचयाची गरज नाही. दोन वेळा राष्ट्रीय पुरस्कार(National Award) आणि 8 फिल्मफेअर पुरस्कार पटकावलेल्या अनुपम खेर यांचे बॉलिवूडच नव्हे तर हॉलिवूडमध्येही खूप कौतुक होत आहे. सध्या ‘द काश्मीर फाइल्स’ या चित्रपटात पुष्कर नाथ यांची भूमिका साकारल्याबद्दल अनुपम यांचे कौतुक होत आहे.(anupam-kher-adopts-kashmiri-pandit-family-says-i-cant-stop-begging)
हा चित्रपट 1990 मध्ये झालेल्या काश्मिरी पंडितांच्या हत्याकांडावर आणि पलायनावर आधारित आहे. अनुपम खेर(Anupam Kher) हे स्वतः देखील काश्मिरी पंडित आहेत आणि ते नेहमीच या मुद्द्यावर बोलले आहेत. अनुपम काश्मीरमध्ये राहत नसले तरी त्यांचा जन्म शिमल्यात झाला. तरीही अनुपम खेर यांनी नेहमीच काश्मिरी पंडितांबद्दल आपल्या भावना व्यक्त केल्या आहेत ज्यांना काश्मीरमधील घरे सोडायला लावले गेले.
अनुपम काश्मिरी पंडितांबद्दल केवळ सहानुभूतीच दाखवत नाहीत तर त्यांच्या भल्यासाठीही काम करतात. कदाचित अनेकांना माहित नसेल पण अनुपम यांनी काश्मिरी पंडितांचे कुटुंब दत्तक घेतले आहे. वृत्तानुसार, अनुपम यांनी अत्यंत गरीब काश्मीर पंडित कुटुंबाला(Kashmir Pandit family) दत्तक घेऊन त्यांचे प्राण वाचवले आहेत.
अशोक कुमार रैना (एक रोजंदारी मजूर), त्यांची पत्नी आणि तीन मुली असा परिवार आहे. दक्षिण काश्मीरमधील पुलवामा येथील जद्रू गावात हे कुटुंब राहत होते. 1990 मध्ये खोऱ्यात आतंकवाद वाढल्याने त्यांना घर सोडावे लागले. अशोकने सांगितले की, त्यांचे कुटुंब नोकरी नसल्याने नातेवाईकांवर अवलंबून होते. यानंतर अनुपम खेर यांनी त्यांचे कुटुंब दत्तक घेतले आणि अशोकच्या मोठ्या मुलीच्या लग्नाचा संपूर्ण खर्च उचलला.
याच मुलाखतीत अनुपम यांनी सांगितले की, या कुटुंबाने थाळी घेऊन भीक मागावी अशी त्यांची इच्छा नव्हती. अनुपम म्हणाले, ‘मी त्यांना आनंदी ठेवण्यासाठी सर्वतोपरी प्रयत्न करेन. त्यांनी कोणासमोर भीक मागण्यासाठी थाळी आणावी असे मला वाटत नाही.
यापूर्वी अनुपम खेर यांनी त्यांचे वडील पुष्कर नाथ(Pushkar Nath) यांचा फोटो त्यांच्या इंस्टाग्राम हँडलवर शेअर केला होता. या फोटोनंतर त्याने सांगितले की, त्यांच्या वडिलांना खूप दिवसांपासून काश्मीरमधील त्यांच्या घरी जायचे होते, पण ते कधीच जाऊ शकले नाहीत.
अनुपम यांनी फोटोसोबत लिहिले की, ‘माझे वडील पुष्कर नाथजी यांच्यासोबतचा हा माझा शेवटचा फोटो आहे. हा फोटो काढल्यानंतर 11 दिवसांनी त्यांचे निधन झाले होते. ते पृथ्वीवरील सर्वात साधा माणूस होते. त्यांनी कधीही कोणाचे मन दुखवले नाही. आपल्या दयाळूपणाने सर्वांच्या जीवनाला स्पर्श केला. एक सामान्य माणूस पण एक असामान्य पिता. त्यांना खूप दिवसांपासून काश्मीरमधील आपल्या घरी जायचे होते पण तसे करता आले नाही. आम्ही त्यांना मिस करतो. काश्मीर फाइल्समधील माझा अभिनय त्यांना समर्पित आहे.’
दरम्यान, विवेक अग्निहोत्रीच्या दिग्दर्शनाखाली बनलेला ‘द काश्मीर फाइल्स'(The Kashmir Files) याआधीच सुपरहिट झाला आहे. या चित्रपटाने आतापर्यंत 236 कोटींहून अधिकचा व्यवसाय केला आहे. अनुपम खेर यांच्याशिवाय या चित्रपटात मिथुन चक्रवर्ती, पल्लवी जोशी आणि दर्शन कुमार यांच्याही प्रमुख भूमिका आहेत.
