Air Force, Suicide Note, Stamp Paper, Nirmal Kumar, Army Constable/ राजस्थानच्या सिरोही जिल्ह्यात राहणाऱ्या वायुसेनेच्या एका धाडसी अधिकाऱ्याने आत्महत्या केली. 11 वर्षे हवाई दलात सेवा बजावत असलेल्या निर्मल कुमार (Nirmal Kumar) याने आत्महत्या करण्यासाठीच रजा घेतली होती आणि सुटी घेऊन तो थेट जम्मूहून आपल्या घरी परतला होता. घरी त्याने आईच्या हातचे अन्न खाल्ले, आईच्या मांडीवर झोपला आणि नंतर खोली बंद करून आत्महत्या केली.
जेवायला आई उठवायला आल्यावर ती ओरडत खोलीबाहेर पळाली. याबाबत कलंदर पोलीस ठाण्यात माहिती देण्यात आली. पोलिसांचे पथक घटनास्थळी पोहोचले आणि त्यानंतर मृतदेह शासकीय रुग्णालयाच्या शवागारात ठेवण्यात आला. स्टॅम्प पेपरवर लिहिलेली सुसाईड नोट जप्त होण्याची ही पहिलीच वेळ आहे.
निर्मलच्या खोलीतून पोलिसांनी 50 रुपयांच्या स्टॅम्प पेपरवर लिहिलेली सुसाईड नोट जप्त केली. या सुसाईड नोटमध्ये पत्नीसोबत झालेल्या वादाचा उल्लेख आहे, तसेच आई आणि भावासाठी भावनिक गोष्टी लिहिल्या आहेत. याशिवाय सर्पदंशामुळे त्याचा मृत्यू झाल्याचे अधिकाऱ्यांना सांगा, निर्मलने आत्महत्या केली हे सांगू नका, असे त्याच्या अधिकाऱ्यांसाठी लिहिले आहे. एका शूर लष्करी जवानाने अशा प्रकारे आपला जीव दिल्याने त्यांना धक्का बसेल.
कलंद्री पोलिसांनी सांगितले की, निर्मल कुमार हा कलंदरी शहरात राहत होता. ते 11 वर्षे हवाई दलात होता. सध्या तो जम्मूतील विमानतळाजवळ पोस्टिंगवर होते. 2019 मध्ये त्यांचे लग्न झाले होते आणि त्यांना मूलबाळ नव्हते. मात्र लग्नानंतर लगेचच आई आणि पत्नीमध्ये वाद झाल्याने निर्मल पत्नीला घेऊन जम्मूला गेला.
निर्मल अनेक दिवसांपासून या आत्महत्येचा कट रचत होता. 1 महिन्यापूर्वी त्याने पत्नीला तिच्या वडिलांच्या घरी सोडले होते. 2 ऑक्टोबर रोजी तो राजस्थानमधील सिरोही येथील त्यांच्या घरी रजेवर आला होता. त्यानंतर 3 ऑक्टोबर रोजी रात्री उशिरा त्याने आत्महत्या केली. मंगळवारी दुपारी लष्कराच्या नियमानुसार त्याला अंतिम निरोप देण्यात आला आहे. मात्र त्याच्या सुसाईड नोटची संपूर्ण जिल्ह्यात चर्चा होत आहे. आई आणि भावाचे रडून रडून हाल झाले आहे.
महत्वाच्या बातम्या-
Lalbaugcha Raja : ८ तास रांगेत उभं राहून आत्महत्या केलेल्या मुलीच्या आईचे लालबागच्या राजाला भावनिक पत्र ; वाचून तुमच्याही डोळ्यात अश्रू येईल
Solapur: बाप्पा असं का केलंस? २ वर्षांपुर्वी आईची आत्महत्या, विसर्जनाला बाबांचा बुडून मृत्यु, चिमुकला पोरका
Shivsena : …तर मी विधानसभेत आत्महत्या करेल; शिवसेना आमदाराच्या घोषणेने उडाली खळबळ
