‘त्या’ वक्तव्यानंतर साई पल्लवीच्या अडचणीत वाढ, येत आहेत धमक्या, बजरंग दल म्हणाले, माफी माग नाहीतर..

by

साऊथची प्रसिद्ध अभिनेत्री साई पल्लवी (Sai Pallavi) सध्या खूप चर्चेत आहे. काश्मिरी पंडितांबाबत केलेल्या वादग्रस्त वक्तव्यामुळे साई पल्लवीच्या चर्चा रंगल्या आहेत. तिच्या वक्तव्यामुळे देशातील हिंदू-मुस्लिम समाजामध्ये पुन्हा एकदा तलवारी निघाल्या आहेत. किंबहुना, तिच्या वक्तव्यात तिने काश्मिरी पंडितांच्या पलायनाची तुलना गोरक्षणाशी केली होती, त्यामुळे नुपूर शर्मानंतर साई पल्लवीसाठी चिथावणीखोर ट्विट आणि कमेंट्स सोशल मीडियावर व्हायरल होत आहेत.(Sai Pallavi, Kashmiri Pandit, Hindu-Muslim, Nupur Sharma)

इतकेच नाही तर या वादग्रस्त वक्तव्यामुळे ती बजरंग दलासह सोशल मीडिया यूजर्सच्या निशाण्यावर आली आहे. नुकतेच बजरंग दलाने दाक्षिणात्य अभिनेत्रीवर खटला दाखल केला आहे. दक्षिणेतील सुप्रसिद्ध अभिनेत्री साई पल्लवीने नुकत्याच दिलेल्या एका मुलाखतीत विवेक अग्निहोत्रीच्या ‘द काश्मीर फाइल्स’ या चित्रपटातील काश्मिरी पंडितांवर दाखविण्यात आलेल्या अत्याचाराची तुलना मॉब लिंचिंगशी केली आहे.

अभिनेत्री पुढे म्हणाली की, काश्मिरी पंडितांना त्यावेळी कसे मारले गेले हे काश्मीर फाइल्स दाखवते. जर तुम्ही हा मुद्दा धार्मिक संघर्ष म्हणून घेत असाल, तर अलीकडेच एका मुस्लिमावर हल्ला झाला होता. तो गाडी चालवत असताना हा हल्ला झाला होता. जेव्हा तो गायी घेऊन जाणारे वाहन चालवत होता. मग तेव्हा काय झाले आणि आता काय होत आहे यात फरक काय? या वक्तव्यामुळे सोशल मीडियावर खळबळ उडाली आहे. वापरकर्ते दोन भागात विभागलेले आहेत. एकीकडे काही लोक साई पल्लवीला सपोर्ट करत असताना दुसरीकडे काही यूजर्स तिच्यावर भडकले आहेत.

साईच्या या वक्तव्याबाबत बजरंग दल भाग्यनगरच्या वतीने हैदराबादमध्ये अभिनेत्रीविरोधात गुन्हा दाखल करण्यात आला आहे. त्यांच्या ट्विटर हँडलवर त्यांनी तक्रार पत्र शेअर करत लिहिले की, “बजरंगदल विद्यानगर जिल्हा संयोजक अखिल सिंदोले जी आणि बालोपासना केंद्राचे प्रमुख अभिषेक कुर्मा यांनी सुलतान बाजार पीएसमध्ये साईविरोधात गुन्हा दाखल केला आहे. अभिनेत्रीच्या अपमानास्पद वक्तव्याबद्दल, साई पल्लवीने संपूर्ण देशाची, विशेषतः काश्मिरी हिंदूंची माफी मागावी अशी मागणी केली आहे. जर तसे ती करू शकली नाही, तर भविष्यात परिस्थिती आणखी बिकट होईल, असेही ते म्हणाले. आता यावर अभिनेत्री काय प्रतिक्रिया देणार हे पाहणे बाकी आहे.

साई पल्लवी सध्या दाक्षिणात्य अभिनेता राणा डग्गुबतीसोबत तिच्या ‘विराट पर्वम’ या नवीन चित्रपटाचे प्रमोशन करत आहे. चित्रपटात अभिनेत्री तेलंगणातील एका नक्षलवादी नेत्याच्या प्रेमात पडते. या नक्षलवादी नेत्याची भूमिका राणाने साकारली आहे. या दोन स्टार्ससोबत या चित्रपटात नंदिता दास, प्रियामणी, ईश्वरी राव, निवेथा पेथुराज, राहुल रामकृष्ण आणि नवीन चंद्र यांच्याही मुख्य भूमिका आहेत. हा चित्रपट सत्य घटनांवर आधारित आहे.

महत्वाच्या बातम्या-
काश्मिरी पंडितांचे खून अन् गाय तस्करीवेळचं माॅब लिंचिंग यात काहीही फरक नाही; साई पल्लवीचे बेधडक वक्तव्य
काश्मिरी पंडितांची हत्या अन् गाय तस्करी करणाऱ्या मुस्लिमाला; साई पल्लवीच्या वक्तव्याने खळबळ
अभिनेत्री साई पल्लवी लवकरच करणार लग्न; कोण आहे तिचा होणारा नवरा? वाचून धक्का बसेल
दबंग PSI पल्लवी जाधव अडकली लग्नबंधनात; लग्नाचे फोटो होतायत प्रचंड व्हायरल