आलिया भट्ट आजकाल खूप आनंदी आहे आणि ती इतकी आनंदी आहे की ती हा आनंद स्वतःपुरता मर्यादित ठेवू शकली नाही आणि तिने सर्वांसोबत शेअर करण्याचा निर्णय घेतला. आलियाने जेव्हा सोशल मीडियावर गरोदरपणाची बातमी दिली तेव्हा बहुतेकांचा विश्वास बसत नव्हता, पण संध्याकाळी उशिरापर्यंत या बातमीला दुजोरा मिळाला. पण या आनंदाच्या प्रसंगी कोणीतरी आलिया भट्टच्या प्रेग्नेंसीबद्दल असं काही बोललं की आलियाला राग आला आणि मग तिने त्यांना सुनवण्यात कोणतीही कसर सोडली नाही.
आलिया भट्टबाबत (Alia Bhatt) एका न्यूज वेबसाईटने इंस्टाग्रामवर सांगितले की, अभिनेत्रीच्या प्रेग्नेंसीमुळे शूटिंगला उशीर होत आहे. आलियाने आता ती पोस्ट शेअर करत आपला राग व्यक्त केला आहे. आलियाने शेअर केलेल्या इंस्टाग्राम पोस्टमध्ये असे लिहिले आहे की, ‘आलिया भट्ट सोमवारी सकाळी तिच्या पहिल्या प्रेग्नेंसीची घोषणा केल्यापासून चर्चेत आहे. जुलैच्या मध्यात अभिनेत्री मुंबईत परतणार असल्याचं बोललं जात आहे. अशीही बातमी आहे की रणबीर कपूर आपल्या पत्नीला घरी आणण्यासाठी यूकेला जाऊ शकतो.
पोस्टमध्ये पुढे लिहिले आहे की, ‘शूटिंगवरून परतल्यानंतर आलिया आराम करेल. रिपोर्टमध्ये असेही समोर आले आहे की अभिनेत्रीने तिच्या गर्भधारणेचे नियोजन अशा प्रकारे केले आहे की तिच्या कोणत्याही कामावर परिणाम होणार नाही. ती तिच्या ‘हार्ट ऑफ स्टोन’ आणि ‘रॉकी आणि रानी की प्रेम कहानी’ या चित्रपटांचे शूटिंग जुलैच्या अखेरीस पूर्ण करणार आहे.
या पोस्टवर प्रतिक्रिया देताना आलियाने लिहिले की, आम्ही अजूनही पितृसत्ताक जगात राहतो. कशालाही उशीर होत नाही. मी एक स्त्री आहे, पार्सल नाही. मला अजिबात आराम करण्याची गरज नाही, पण तुमच्याकडे डॉक्टरांचे सर्टिफिकेट आहे हे जाणून चांगले वाटले.
ती पुढे म्हणते, ‘हे २०२२ आहे. हे पोस्ट करण्यापूर्वी काही मिनिटे आलियाने पती रणबीर कपूरसोबतचा एक फोटो शेअर केला आहे. आपल्या चाहत्यांचे आभार मानत तिने फोटोच्या कॅप्शनमध्ये लिहिले की, ‘प्रेमाने भारावून गेले आहे. मी प्रत्येकाचे संदेश आणि शुभेच्छा वाचण्याचा प्रयत्न केला आहे आणि मला एवढेच सांगायचे आहे की आपल्या आयुष्यातील इतका मोठा क्षण प्रेम आणि आशीर्वादाने साजरा करणे छान वाटते.
महत्वाच्या बातम्या-
जेव्हा आलिया भट्टवर भडकले होते महेश भट्ट, खोटं बोलून तिने केलं होतं हे काम
२९ वर्षीय आलिया भट्ट होणार आई, पण नक्की गर्भवती होण्याचं योग्य वय आहे किती? जाणून घ्या
आजोबा झाल्यानंतर करण जोहर झाला भलताच खुश, म्हणाला, माझी बेबी आलिया भट्ट
पैशांसाठी काहीही करणार का? आलिया भट्टच्या त्या जाहिरातीमुळे नेटकऱ्यांनी केलं तुफान ट्रोल
