‘बाहुबली’ या सिनेमातून जगभरात नाव आणि प्रसिद्धी मिळवणारा साऊथ अभिनेता प्रभासच्या (Prabhas) आगामी सिनेमाची चाहते आतुरतेने वाट पाहत आहेत. प्रभास KGF 2 दिग्दर्शक प्रशांत नील (Prashanth Neel) यांच्या ‘सालार’ चित्रपटात दिसणार आहे, ज्यासाठी तो सतत शूटिंग करत आहे. सेटवरून त्याचे अनेक फोटोही समोर आले आहेत, मात्र आता या सिनेमाशी संबंधित एक मोठी बातमी समोर येत आहे, जी ऐकून तुमच्या आनंदाला पारावारा उरणार नाही.(Prabhas, Prashant Neel, Salar, Adipurush)
मीडिया रिपोर्ट्सनुसार, दिग्दर्शक प्रशांत नीलच्या ‘सालार’ सिनेमात प्रभास दुहेरी भूमिकेत दिसणार आहे. तो दोन पूर्णपणे वेगळ्या लूकमध्ये दिसणार आहे, म्हणजेच चित्रपटाची कथा दोन वेगवेगळ्या कालखंडात दाखवली जाणार आहे. प्रभास अलीकडेच त्याचा आगामी चित्रपट ‘आदिपुरुष’ सह-अभिनेता सैफ अली खानसोबत दिसला, ज्यासाठी त्याने जबरदस्त परिवर्तन केले आहे. ‘सालार’ चित्रपटातील त्याच्या दुसऱ्या लूकसाठी तो स्लिम झाला असल्याचे सांगितले जात आहे.
या अॅक्शन-थ्रिलर चित्रपटात प्रभास मुख्य भूमिकेत आहे आणि त्याच्यासोबत श्रुती हसन आहे. ‘सालार’चा दिग्दर्शक प्रशांत नील अलीकडेच यश स्टारर ‘KGF 2’ या चित्रपटाने खूप चर्चेत आला आहे. अशा परिस्थितीत चाहते त्याच्या या चित्रपटाची आतुरतेने वाट पाहत आहेत. या चित्रपटात प्रभास आणि श्रुती व्यतिरिक्त पृथ्वीराज सुकुमारन, अभिनय राज सिंह आणि जगपती बाबू देखील दिसणार आहेत.
हा चित्रपट आधी १४ एप्रिल २०२२ रोजी थिएटरमध्ये रिलीज होणार होता, परंतु कोरोनाव्हायरस साथीच्या आजारामुळे त्याचे शुटींग पुढे ढकलण्यात आले. आता हा चित्रपट तेलगू, मल्याळम, तामिळ, कन्नड आणि हिंदी भाषांमध्ये २०२३ मध्ये रिलीज होणार आहे. या चित्रपटाशिवाय प्रभासकडे इतरही अनेक मोठे प्रोजेक्ट्स आहेत.
प्रभास ओम राऊतच्या ‘आदिपुरुष’ या चित्रपटात दिसणार आहे. त्यासाठी त्याची जोरदार तयारीही सुरू आहे. या चित्रपटासाठी प्रभासने अनेक किलो वजन कमी केल्याचे सांगितले जात आहे. याशिवाय त्याच्याकडे फिल्ममेकर मारुतीचा एक कॉमेडी सिनेमाही आहे. त्याच्याकडे स्पिरिट देखील आहे, ज्याची निर्मिती ‘अर्जुन रेड्डी’ चित्रपटाचे दिग्दर्शक संदीप रेड्डी वंगा करणार आहेत.
एसएस राजामौलीचा ब्लॉकबस्टर चित्रपट ‘बाहुबली’ ने प्रभासला यशाच्या शिखरावर नेले आहे, ज्याची प्रत्येक अभिनेत्याला इच्छा असते. मात्र जेव्हा त्याचा ‘साहो’ चित्रपट आला तेव्हा ती जादू चालली नाही. यानंतर प्रभासचा राधे श्याम रिलीज झाला, ज्याने बॉक्स ऑफिसवर सपाटून पडला. सलग दोन चित्रपट फ्लॉप झाल्याने खुद्द प्रभासही नाराज झाला. यामुळेच तो ‘सालार’ चित्रपटात कोणतीही कसर सोडत नाहीये. चाहत्यांना आशा आहे की या चित्रपटात तो तीच जुनी जादू पसरवू शकेल.
महत्वाच्या बातम्या-
सुपरस्टार प्रभासने या बड्या डायरेक्टरच्या चित्रपटाला मारली लाथ, नेमकं काय आहे प्रकरण, वाचा
सालारच्या दिग्दर्शकाचं टेन्शन वाढलं; प्रभासच्या चाहत्याने आत्महत्येची धमकी देत केली ‘ही’ विचित्र मागणी
बॅक टू बॅक दोन चित्रपट फ्लॉप होऊनही बाहुबली प्रभासला मिळाली हॉलिवूडची ऑफर; बनणार सुपरहिरो?
आदिपुरूष: प्रभासचा राघव लुक धमाकेदार पद्धतीने होणार रिलीज, सगळ्यात आधी या व्यक्तीने बघितला
