अभिनेत्री रवीना टंडनचे (Raveena Tandon) वडील आणि चित्रपट दिग्दर्शक रवी टंडन यांचे निधन झाले आहे. याची माहिती रवीना टंडनने स्वतः इंस्टाग्रामवर शेअर केली आहे. रवी टंडन 87 वर्षांचे होते. 11 फेब्रुवारी रोजी दुपारी राहत्या घरी त्यांचे निधन झाले. (Actress Raveena Tandon mourns her father’s death)
रवीनाने फोटो शेअर करून तिच्या वडिलांची आठवण केली आहे आणि ती त्यांची साथ कधीच सोडणार नसल्याचे सांगितले आहे. मात्र, रवी टंडनचा मृत्यू कसा झाला हे अद्याप समजू शकलेले नाही. रवीनाने तिच्या वडिलांसोबतचे चार फोटो शेअर केले आहेत. यातील एका फोटोत ती तिच्या वडिलांच्या कडेवर बसलेली आहे.
दुसरा फोटो रवीनाच्या बालपणीचा आहे, ज्यामध्ये तिचे वडील तिला आपल्या मांडीवर घेतलेले आहेत. तिसर्‍यामध्ये दोघेही एका फंक्शनमध्ये एकत्र बसले आहेत आणि चौथ्यामध्ये रवीना वडिलांना पकडून कॅमेऱ्यासाठी पोज देत आहे आणि गालावर किस करत आहे.
फोटो शेअर करत रवीना टंडनने लिहिले की, ‘पप्पा तुम्ही नेहमी माझ्यासोबत असेल. मी नेहमी तुझ्यासारखीच राहीन. मी तुझी साथ कधीच सोडणार नाही. लव्ह यू बाबा. रवीनाच्या या पोस्टवर अनेक सेलिब्रिटींनी कमेंटवर शोक व्यक्त केला आहे. अभिनेत्री नीलम कोठारी यांनी ‘तुम्हाला माझ्या मनापासून संवेदना’ अशी प्रतिक्रिया दिली आहे. या कठीण काळातही अनेक सेलिब्रिटींनी रवीना टंडनला प्रेम पाठवले आहे.
रवी टंडन हे बॉलिवूडमधील प्रसिद्ध दिग्दर्शक आहेत. नजराना, मुकद्दर, मजबूर, निर्माण असे अनेक चित्रपट त्यांनी केले. अनहोनी आणि एक मैं और एक तू या चित्रपटांची निर्मितीही केली. रवी टंडनने पत्नी वीणासोबत लग्न केले. या लग्नापासून त्यांना राजीव नावाचा मुलगा झाला. राजीव दिग्दर्शक आणि निर्माता देखील आहेत. यासोबतच त्यांना रवीना टंडन ही मुलगी होती, तिचे नाव रवी आणि वीणा टंडन यांच्या नावाने जोडले गेले.
