दिग्दर्शक हंसल मेहता यांच्या ‘स्कॅम 1992’ या यशस्वी सीरीजचा सिक्वेल असलेल्या ‘स्कॅम 2003’चे शूटिंग सुरू होणार आहे. मागील वर्षी मार्चमध्ये जाहीर झालेल्या या सीरीजसाठी हंसल मेहताने एक नवा चेहरा शोधला आहे. ‘स्कॅम 1992’ मध्ये मुख्य भूमिका साकारणाऱ्या प्रतीक गांधीला या सीरीजमुळे खूप मदत झाली आणि तो रातोरात डिजिटल स्टार बनला. आता हंसल मेहता पुन्हा त्याच्या नवीन सीरीजसाठी थिएटर्सकडे वळला आहे आणि अनेक महिन्यांच्या शोधानंतर त्याच्या ‘स्कॅम 2003’ या नवीन सीरीजसाठी नवीन चेहरा सापडला आहे.(Scam 1992, Scam 2003, webseries, Hansal Mehta)
दरम्यान, या सीरीजमध्ये एक नवा ट्विस्ट आला आहे की, सोनी एंटरटेनमेंट प्रोडक्शन कंपनी स्टूडियो नेक्स्ट या सीरीजची निर्मिती करणार असून हंसल मेहता यापुढे या सीरीजचे दिग्दर्शक नसून केवळ शो रनर असणार आहे. ‘स्कॅम 2003’ हा महाराष्ट्रातील प्रसिद्ध स्टॅम्प घोटाळ्यावर आधारित असून पत्रकार संजय सिंह यांच्या ‘रिपोर्टर्स डायरी’ या पुस्तकात नोंदवलेल्या कथांनुसार ही सीरीज तयार केली जात आहे.
घोषणेच्या वेळी या सीरीजचे नाव ‘स्कॅम 2003: द क्युरियस केस ऑफ अब्दुल करीम तेलगी’ असे होते. आता ही सीरीज ‘Scam 2003: The Telgi Story’ या नावाने ओळखली जाणार आहे. ही गोष्ट आहे कुख्यात अब्दुल करीम तेलगीची, ज्याने देशात बनावट स्टॅम्प पेपर पुरवण्याचे संपूर्ण नेटवर्क तयार केले होते आणि भंगारात जुने चलन छपाईचे मशीन खरेदी करून महाराष्ट्रात कारखानाही थाटला होता.
या प्रकरणाच्या तपासादरम्यान त्या काळातील एका सुपरस्टारच्या पत्नीचे आणि राज्यातील एका तगड्या नेत्याचे नावही तपासात पुढे आले आहे. या नेत्याचा महाराष्ट्रातील सत्ताधारी पक्षात एक ना एक प्रकारे सहभाग असल्याची माहिती आहे. कर्नाटकातील खानापूर येथे जन्मलेल्या अब्दुल करीम तेलगीने दुष्ट मनाने हा अनोखा घोटाळा केला होता, ज्यामध्ये 20 हजार कोटींची फसवणूक झाल्याचे समोर आले आहे.
मराठी चित्रपटसृष्टीतील प्रसिद्ध लेखक यज्ञोपवीत यांना ही सीरीज लिहिण्यासाठी साइन करण्यात आले आहे. संजय सिंग हे देखील लेखन टीमचा एक भाग असतील. ही सीरीज आता तुषार हिरानंदानी दिग्दर्शित करणार आहे. रंगभूमीवरील कलाकार गगन देव रियार या सीरीजमध्ये तेलगीची भूमिका साकारणार असून त्याचा फर्स्ट लूक मंगळवारी प्रदर्शित करण्यात आला.
भूतकाळातील या आर्थिक गुन्हेगारी कथांमध्ये देशवासीयांना खूप रस आहे, हे हर्षद मेहता यांच्यावर बनलेल्या सीरीजने सिद्ध केले आहे. आता आम्ही सर्वजण मिळून एका नवीन कथेवर काम सुरू करणार आहोत आणि मी या प्रोजेक्टबद्दल खूप उत्सुक आहे, असेही ते म्हणाले. हंसल मेहता यांनीच ‘स्कॅम 1992’ ही वेबसिरीज बनवली ज्याने अभिनेता प्रतीक गांधीचे नशीब बदलले.
हिंदी मनोरंजन जगतातील सर्वोत्कृष्ट क्राइम वेब सिरीजमध्ये याची गणना केली जाते. देशातील सर्वात मोठ्या शेअर घोटाळ्याची ही कहाणी वास्तवाच्या अगदी जवळ ठेवून दिग्दर्शक हंसल मेहता यांनीही ओटीटीवर एक नवीन ट्रेंड सुरू केला. काही निर्मात्यांनी तेलगी घोटाळ्याची सीबीआय चौकशी करणारे देशातील वरिष्ठ आयपीएस अधिकारी अरुण कुमार यांचीही भेट घेतली. मात्र, सोनी लिव्हची सीरीज या घोटाळ्याच्या महाराष्ट्र पोलिसांच्या तपासावर अधिक भर देणार आहे.
महत्वाच्या बातम्या-
एकता कपूरच्या या वेबसिरीजने तोडल्या अश्लीलतेच्या सगळ्या सीमा, सीन्स पाहून तुम्हालाही फुटेल घाम
माधुरीच्या चाहत्यांना धक्का! अभिनय सोडून घेतला हा निर्णय, वैयक्तिक आयुष्याबद्दलही केला खुलासा
हिची भाषा आणि हिचा माज तसाच राहील तो फोटो शेअर केल्यामुळे प्राजक्ता माळी पुन्हा आली चर्चेत
‘रानबाजार’मधील तो किसींग सीन कसा शुट केला? अभिनेत्री तेजस्विनीने स्वत:च सांगीतला थरारक अनुभव