यूपीच्या जालौनमध्ये एक लाजीरवाणी घटना समोर आली आहे. ज्यामध्ये सख्या चुलत्याने भाचीवर (भावाच्या मुलीवर) बलात्कार केल्याची घटना घडली आहे. पीडितेने फोनवरून पोलिसांकडे मदतीची याचना केल्यावर संपूर्ण प्रकरण उघडकीस आले. या प्रकरणाची माहिती मिळताच पोलिसांनी कारवाई करत आरोपी चुलत्याविरुद्ध पोक्सो कायद्यांतर्गत गुन्हा दाखल करून त्याची कारागृहात रवानगी केली.(accused arrested in 30 minutes)
वास्तविक, हे संपूर्ण प्रकरण जालौनमधील काल्पी कोतवाली भागातील आहे, जिथे सख्या चुलत्याने आपल्या भाचीसोबत बलात्काराची घटना घडवून नातेसंबंध बिघडवले आहेत. पीडितेने जेव्हा तिच्या कुटुंबीयांना तिची परिस्थिती सांगितली तेव्हा ते भांबावून गेले. या प्रकरणाची गंभीर दखल घेत पीडितेच्या तक्रारीनंतर पोलिसांनी आरोपीला अटक करून कारागृहात रवानगी केली.
पिडीतेने सांगितले की, तिच्या आईचा मृत्यू झाला असून वडील कामानिमित्त बाहेर गेले आहेत. त्या घरात ती आजी आणि चुलत्यासोबत राहत होती. पीडितेने सांगितले की तिचा सख्खा चुलता 2021 पासून सतत तिच्यावर बलात्कार करत होता, ज्याचा तिने अनेकदा विरोध केला पण तो तिला जीवे मारण्याची धमकी देत असे.
भीतीपोटी तिने या घटनेबाबत कोणाशीही काही बोलले नाही आणि त्याचा त्रास सहन करत राहिल्याचे अल्पवयीन मुलीने सांगितले. पीडितेच्या म्हणण्यानुसार, जेव्हा ती एकटी असायची तेव्हा तिचा चुलता तिच्यावर जबरदस्तीने बलात्कार करायचा. पीडितेच्या आरोपानुसार, तिच्या चुलत्याने आई गेल्यानंतर तिला कडौरा पोलीस स्टेशन हद्दीतील एका गावात 4 महिने आपल्याजवळ ठेवले, त्यामुळे ती तक्रार देण्यासाठी पोलीस ठाण्यात जाऊ शकली नाही. मग कशीतरी ही घटना चुलतीला कळली, तेव्हा तिने पीडितेला आधार दिला. यानंतर त्यांनी हिंमत एकवटून पोलिसांकडे तक्रार केली.
कुटुंबीय आणि पीडितेच्या म्हणण्यानुसार, आरोपीने एकदा नव्हे तर याआधीही बलात्काराची घटना केली आहे. पीडितेने फोनद्वारे पोलिसांना ही माहिती दिली आणि संपूर्ण घटनेचा संदर्भ देत पोलिसांची मदत मागितली. माहिती मिळताच पोलिसांनी तत्परता दाखवत 30 मिनिटांत आरोपीवर कारवाई करत त्याला कारागृहात पाठवले.
त्याचवेळी पोलीस अधीक्षक रवी कुमार यांनी सांगितले की, अल्पवयीन मुलीवर बलात्कार झाल्याची माहिती मिळताच याप्रकरणी गुन्हा दाखल करून आरोपीला अटक करण्यात आली आहे. त्याचबरोबर पीडितेची वैद्यकीय तपासणी करण्यात आली असून आरोपीवर पॉक्सो कायद्यान्वये कारवाई करण्यात आली आहे.
महत्वाच्या बातम्या-
13 वर्षीय मुलीवर बलात्कार झाल्यानंतर संतापला रितेश देशमुख, म्हणाला, रक्षकच भक्षक झाले तर
युपीत १३ वर्षीय बलात्कार पिडीतेवर पोलिसानेही केले अत्याचार; नोबेल विजेते सत्यार्थी भडकले, योगींना म्हणाले..
त्यामुळे त्याला सकृतदर्शनी बलात्कार म्हणता येणार नाही, न्यायालयाने गणेश नाईकांना दिला अटकपूर्व जामीन
बलात्कारांच्या आरोपांवर अभिनेता विजय बाबूचा पलटवार; म्हणाला मीच पीडित, पुरावे सुद्धा आहेत…
