बंगळुरूमध्ये एक मोठी दुर्घटना घडली आहे. येथे एका सरकारी बसला आग लागल्याची बातमी समोर आली आहे, ज्यामध्ये बस कंडक्टरचा मृत्यू झाला आहे. मिळालेल्या माहितीनुसार, लिंगधीरनहल्ली येथील बेंगळुरू मेट्रोपॉलिटन ट्रान्सपोर्ट कॉर्पोरेशन (बीएमटीसी) बस स्टँडवर बस उभी होती तेव्हा ही घटना घडली.
याप्रकरणी माहिती देताना पोलिसांनी सांगितले की, बसला आग लागल्याने ४५ वर्षीय बस कंडक्टरचा मृत्यू झाला. मुथैय्या स्वामी असे त्यांचे नाव आहे. ही घटना शुक्रवारची आहे. मिळालेल्या माहितीनुसार, बसला आग लागली तेव्हा बस कंडक्टर बसमध्ये उपस्थित होता आणि झोपला होता.
त्यानंतर अचानक बसला आग लागली त्यात त्यांचा मृत्यू झाला. डीसीपी लक्ष्मण बी निंबर्गी यांनी दिलेल्या माहितीनुसार, सुमनहल्ली बस डेपोच्या बीएमटीसी बसला आग लागली. ३९ वर्षीय बस चालक प्रकाश याने पहाटे ४.४५ वाजता ही घटना पहिली. गुरुवारी रात्री 10.30 च्या सुमारास त्यांनी डी ग्रुप स्टॉपवर बस उभी केली आणि रेस्टॉरंटमध्ये झोपायला गेले. आणि कंडक्टर बसमध्येच झोपी गेला.
डीसीपी म्हणाले की, कंडक्टर 80 टक्के भाजला आहे. मात्र आग कशी लागली याबाबत अद्याप कोणतीही माहिती मिळालेली नाही. डीसीपी लक्ष्मण यांनी सांगितले की, शुक्रवारी बायनारायणपुरा पोलीस ठाण्यांतर्गत प्रमोद लेआउट परिसरात ज्या ठिकाणी प्लास्टिकच्या बाटल्या आणि इतर रद्दी गोळा केली जाते त्या ठिकाणी शुक्रवारी रात्री 12 वाजण्याच्या सुमारास आग लागली.
आगीची माहिती मिळताच अग्निशमन दलाच्या गाड्या घटनास्थळी दाखल झाल्या, त्यानंतर आगीवर नियंत्रण मिळवण्यात यश आले. डीसीपी म्हणाले, “आग विझवण्यासाठी एकूण आठ अग्निशमन गाड्या घटनास्थळी पाठवण्यात आल्या होत्या.” मात्र, या अपघातात कोणाचाही मृत्यू झाल्याचे वृत्त नाही.
महत्वाच्या बातम्या
मेडीक्लेमसाठी २४ तास हाॅस्पीटलमध्ये ॲडमिट असणं आवश्यक नाही, ग्राहक न्यायालयाचा मोठा निर्णय
१२ वी, पदवीधर, पदव्युत्तर विद्यार्थ्यांना बनवणार संन्यासी; रामदेव बाबांनी तरुणांना केले ‘हे’ खास आवाहन
“मिंधे गट आधी बाप पळवत होता आता मुलंही पळवतात”
