Vikram Gokhale death : ज्येष्ठ अभिनेते विक्रम गोखले यांचे पुण्यातील रुग्णालयात निधन झाले आहे. ते ८२ वर्षांचे होते. गेल्या १८ दिवसांपासून त्यांच्यावर उपचार सुरु होते. पुण्यातील दिनानाथ मंगेशकर रुग्णालयात ते ॲडमीट होते. उपचार सुरू असतानाच त्यांची प्राणज्योत मालवली.
त्यांच्या निधनाच्या वृत्तानंतर चित्रपट सृष्टीतील कलाकारांना मोठा धक्का बसला आहे. सर्वत्र हळहळ व्यक्त केली जात आहे. समाज माध्यमांवर अनेक कालाकारांनी विक्रम गोखले यांना श्रद्धांजली वाहीली आहे.
ज्येष्ठ अभिनेते विक्रम गोखले यांना गेल्या काही दिवसांपासून मधुमेहाचा त्रास जाणवत होता. त्यातच त्यांना जलोदर हा दुर्मिळ आजार झाल्यामुळे उपचारासाठी पुण्यातील दिनानाथ मंगेशकर रुग्णालयात दाखल करण्यात आले होते.
त्यांची खूपच प्रकृती चिंताजनक असल्याची माहिती समोर आली होती. रात्री उशीरा त्यांची प्रकृती अतिशय चांगली होती पण आता त्यांचे निधन झाले. त्याचे पार्थिव बालगंधर्व रंगमंदीरात अंत्यदर्शनासाठी ठेवण्यात येणार आहे.
बुधवार पासून त्यांच्या निधनाच्या अफवा मीडियावर पसरत आहेत. पण ते व्हेंटीलेटरवर आहेत. त्यांची पत्नी वृषाली गोखले यांनी खरं काय ते सांगीतलं होतं. “बुधवारी दुपारी ते कोमात गेले आणि तेव्हापासून ते स्पर्शाला प्रतिसाद देत नाहीयेत. ते व्हेंटिलेटरवर आहेत. पुढे काय करायचं हे सकाळी डॉक्टर ठरवतील. असं पत्नी वृषाली गोखले यांनी सांगीतलं होतं. पण अखेर त्यांचे निधन झाले.
विक्रम गोखले यांनी १९७ साली वयाच्या २६व्या वर्षी अभिनय क्षेत्रात पदार्पण केले. त्यांचा पहिला चित्रपट बॉलिवूड सम्राट अमिताभ बच्चन यांच्यासोबत होता, ज्याचे नाव होते परवाना. विक्रम गोखले हे ‘हम दिल दे चुके सनम’ या ब्लॉकबस्टर चित्रपटासाठी ओळखले जातात. या चित्रपटात त्यांनी ऐश्वर्या राय बच्चनच्या वडिलांची भूमिका साकारली होती.
विक्रम गोखले यांना २०१० मध्ये मराठी चित्रपटातील उत्कृष्ट अभिनयासाठी सर्वोत्कृष्ट अभिनेत्याचा राष्ट्रीय पुरस्कार देऊन सन्मानित करण्यात आले. विक्रम गोखले हे मराठी रंगभूमी आणि चित्रपट अभिनेते चंद्रकांत गोखले यांचे पुत्र आहेत.
त्यांची प्रकृती सुधारत असल्याचं दीनानाथ रुग्णालयाचे जनसंपर्क अधिकारी शिरीष याडगीकर यांनी सांगितले होते. ‘त्यांच्या प्रकृतीत हळूहळू सुधारणा होत आहे. ते डोळे उघडतात. पुढील ४८ तासांत व्हेंटिलेटरची गरज भासणार नाही. तसेच बीपी आणि हृदयाचे कार्य व्यवस्थीत सुरू आहे. अशी माहिती जनसंपर्क अधिकारी शिरीष याडगीकर यांनी मेडिकल बुलेटिनमध्ये दिली होती. पण अखेर त्यांचे निधन झाले.
विक्रम गोखले यांची एक मुलगी परदेशी राहते. ती सॅन फ्रान्सिस्कोहून पुण्याला परतली आहे. तर दुसरी मुलगीही सध्या पुण्यातच आहे. निधनाच्या अफवांमुळे कुटुंबीयांना प्रचंड मोठ्या मनस्तापाला सामोरे जावे लागत होते. त्यांच्या निधनाच्या वृत्तानंतर सर्वत्र हळहळ व्यक्त केली जातेय. समाज माध्यमांवर अनेक कलाकारांनी विक्रम गोखले यांना श्रद्धांजली वाहीली.
महत्वाच्या बातम्या
सुर्या तुफानी शतक झळकवत असतानाच ‘या’ संघाने बनवला विश्वविक्रम; फक्त १५ चेंडूत जिंकला सामना
वडिलांचे पंक्चरचे दुकान, आई विकायची बांगड्या; जिद्दीच्या जोरावर बनला IAS अधिकारी
