‘या’ छोट्याश्या चुकीमुळे सायरस मिस्त्रींनी गमावला जीव? अन्यथा आज ते आपल्यात असते, वाचा नेमकं काय घडलं?

टाटा सन्सचे माजी चेअरमन प्रसिद्ध उद्योगपती असणारे सायरस मिस्त्री यांचे रविवारी दुपारी पालघरजवळील एका रस्ते अपघातात निधन झाले. ते अहमदाबादहून मुंबईला येत होते. यावेळी त्यांच्यासोबत कारमध्ये तीन जण आणखी होते. सायरस यांच्यासोबत आणखी एका व्यक्तीचा मृत्यू झाला आहे.

ज्या गाडीने ते मुंबईला येत होते त्या कारची किंमत ६८ लाख रुपये आहे. सायरस मर्सिडीज जीएलसी २२० डी ४ मॅटिकमध्ये ते अहमदाबादहून मुंबईला येत होते. मर्सिडीजच्या GLC २२०d सीरीजमधील ही कार अनेक वैशिष्ट्यांनी सुसज्ज आहे. तरीदेखील त्यांचा मृत्यू झाल्यामुळे विशेष वाटत आहे.

अनहिता पंडोले आणि त्यांचे पती डेरियस पंडोले जखमी झाले आहेत. मिळालेल्या माहितीनुसार, अनहिता कार चालवत होत्या. अपघात झाला त्यावेळी सायरस मिस्त्री आणि जहांगीर पंडोले कारच्या मागील सीटवर होते. तर अनहिता आणि डेरियस पुढील सीटवर बसले होते.

मिळालेल्या माहितीनुसार, मुंबईला निघालेल्या सायरस यांच्या कारनं पालघरमधील चारोटी टोल नाका ओलांडला. त्यानंतर पुढे सूर्या नदीवर दोन पूल आहेत. या दोनपैकी कोणत्या पुलावरून जायचं याबद्दल अनहिता द्विधा मनस्थितीत होत्या. त्यानंतर  त्यांनी आपली कार जुन्या पुलावरून नेली.

हाती येत असलेल्या माहितीनुसार, हा पूल नव्या पुलाच्या तुलनेत खाली आहे. कार भरधाव वेगात असल्यानं आणि चालक द्विधा मनस्थितीत असल्यानं हा अपघात झाल्याचं अपघातस्थळाची पाहणी करणाऱ्या पोलिसांनी सांगितलं.आता या अपघाताची पोलिसांनी नोंद घेतली असून अहवाल तयार केला असल्याची माहिती हाती येतं आहे.

या मर्सिडीज कारमध्ये सात एअरबॅग होत्या, तरीही सायरस मिस्त्री यांचे प्राण वाचू शकले नाहीत. आतापर्यंतच्या सर्व रस्ते अपघातांमध्ये एअरबॅगने अनेकांचे प्राण वाचवले आहेत, परंतु एअरबॅगच्या सुरक्षिततेला मर्यादा आहेत. अपघातानंतर एखादी व्यक्ती कारमधून पडली तर एअरबॅग त्यांना वाचवू शकत नाही.

या अपघातात एअरबॅग उघडल्या गेल्या, त्यामुळे गाडीतील व्यक्तींची डोके डॅशबोर्डला लागले नाही. मात्र, विंडस्क्रीनची अवस्था पाहता चालक आणि सहप्रवाशाचे डोके विंडस्क्रीनला आदळल्याचे दिसते, मात्र ही बाब तपासानंतरच कळेल, सध्या सायरस यांच्या निधनाने खळबळ निर्माण झाली आहे.

महत्त्वाच्या बातम्या