साऊथ सुपरस्टार राम चरण हे केवळ दक्षिण भारतातच नाही तर देशभरात त्यांच्या उत्कृष्ट चित्रपटांमुळे प्रसिद्ध आहेत. त्याचा नुकताच प्रदर्शित झालेला ‘RRR’ हा चित्रपट बॉक्स ऑफिसवर चांगलाच गाजला होता. या चित्रपटामुळे त्याच्या फॅन फॉलोइंगमध्ये कमालीची वाढ झाली आहे. अभिनय आणि लूकमुळे राम चरणचे अनेक महिला चाहते आहेत, परंतु १० वर्षांपूर्वी त्याने लग्न करून आपल्या महिला चाहत्यांचे हृदय तोडले आहे.
राम चरणचा विवाह उपासनाशी झाला आहे. लग्नाला इतकी वर्षे झाली तरी दोघेही आई-वडील होऊ शकलेले नाहीत. याविषयी त्यांना नेहमीच प्रश्न विचारले जातात आणि दोघेही या प्रश्नाची मनमोकळी उत्तरे देतात. दरम्यान, उपासनाचे मुलाबद्दलचे एक वक्तव्य सध्या चांगलेच व्हायरल होत आहे. राम चरणची पत्नी उपासना मोकळेपणाने बोलण्यासाठी ओळखली जाते.
अलीकडेच राम चरणची पत्नी उपासना कामिनेनी कोनिडेलाने १७ व्या एटीए परिषदेत सद्गुरू जग्गी वासुदेव यांच्याशी संवाद साधला. संभाषणादरम्यान, उपासनाने मुले आणि तिच्या आयुष्यातील ‘थ्री आर’बद्दल सांगितले. लक्षात घ्या की, तीन आर म्हणजे रिलेशनशिप, रिप्रोडक्शन आणि जीवनातील त्याची भूमिका संदर्भित करतात. उपासनाने संवादादरम्यान सांगितले की, लोकसंख्या नियंत्रण ठेवण्यासाठी तिला मूल नको आहे.
रिलेशनशिपबद्दल बोलताना सद्गुरू म्हणाले की नात्यांमध्ये गुंतणे हे त्यांचे काम नाही. अध्यात्मिक गुरू म्हणाले, ‘माणूस कार्बन फूटप्रिंटबद्दल चिंतित आहे, परंतु जर मानवी पावलांचे ठसे कमी झाले तर ग्लोबल वॉर्मिंगची चिंता करण्याची गरज नाही. म्हणून, ज्या स्त्रियांनी प्रजनन न करण्याचा निर्णय घेतला आहे त्यांना पाहणे चांगले आहे.’ यावर उपासना म्हणाली, ‘मी लवकरच तुम्हाला माझ्या आई आणि सासूशी बोलायला घेईन’, त्यावर सद्गुरूंनी उत्तर दिले, ‘मी अशा अनेक सासू-सासऱ्यांशी बोललो आहे.’
राम चरण आणि उपासना यांचे २०१२ मध्ये लग्न झाले होते. दोघेही कॉलेजच्या दिवसांपासून एकमेकांना ओळखतात. लग्नापूर्वी दोघेही चांगले मित्र होते. हळूहळू या मैत्रीचे रुपांतर प्रेमात झाले. उपासनाच्या व्यावसायिक जीवनाबद्दल सांगायचे तर, ती अपोलो चॅरिटीची उपाध्यक्ष, तसेच बी पॉझिटिव्ह मासिकाची मुख्य संपादक आहे. दुसरीकडे, राम चरणच्या वर्कफ्रंटबद्दल बोलायचे तर, तो नुकताच ‘आरआरआर’ आणि ‘आचार्य’मध्ये दिसला होता. याशिवाय तो लवकरच ‘RC 15’ चित्रपटात दिसणार आहे.
महत्वाच्या बातम्या-
राम चरणच्या अलिशान लाईफस्टाईल पुढे बॉलिवूड सुद्धा पडेल थंड, वर्षाला कमवतो तब्बल ‘इतके’ कोटी
राम चरणनंतर आता jr. NTR पाळणार दिक्षा नियम, २१ दिवस राहणार अनवाणी, खाणार सात्विक भोजन
२६४ किमी पायी चालत आला रामचरणचा फॅन, दोन गोनी तांळासोबत आणले हे खास गिफ्ट
बॉक्स ऑफिसवर फ्लॉप झाला रामचरणचा हा चित्रपट, डिस्ट्रीब्यूटर्सनी मागितली 50 कोटींची भरपाई
