क्रिकेटच्या सरावासाठी आईने रोज १३ किमी सायकल चालवली, आता मुलगा भारताकडून खेळणार

आयपीएल (IPL) सामन्यांमध्ये चमकणारा मध्यमगती गोलंदाज अर्शदीप सिंगला (Arshdeep Singh) अखेर यशाचे तिकीट मिळाले आहे. अर्शदीप आणि त्याच्या कुटुंबाचे स्वप्न साकार झाले आहे. या क्रिकेटपटूने दक्षिण आफ्रिकेविरुद्धच्या पाच एकदिवसीय सामन्यांच्या सीरीजसाठी भारतीय क्रिकेट संघात प्रवेश मिळवला आहे. या बातमीमुळे त्याचा इथंपर्यंतचा प्रवास समोर आला आहे. सरावासाठी त्याच्या आईने खरार ते चंदीगडपर्यंत १३ किमी सायकल चालवली, जेणेकरून तिचा मुलगा क्रिकेटर बनण्याचे स्वप्न पूर्ण करू शकेल.

पंजाब किंग्जकडून खेळणारा २३ वर्षीय क्रिकेटपटू अर्शदीप सिंगने अखेर भारतीय राष्ट्रीय क्रिकेट संघात स्थान मिळवला आहे. अर्शदीप सिंग ज्याची क्रिकेटपटू म्हणून कथा ७ वर्षांचा असताना सुरू झाली होती, त्याने वडील दर्शन सिंग यांच्यासमोर पहिल्यांदा गोलंदाजी केली होती. अर्शदीप सिंगचे आई-वडील बलजीत कौर आणि दर्शन सिंग हे त्याची सर्वात मोठी सपोर्ट सिस्टीम आहेत. असे  क्रिकेटरने स्वतः सांगितले आहे, आणि योग्यच आहे, कारण हा क्षण कोणत्याही क्रिकेटपटूच्या आयुष्यातील सर्वात मोठा टप्पा असतो.

अर्शदीप जो नेहमी प्रत्येक सामन्यापूर्वी त्याची आई बलजीतला कॉल करतो त्याने रविवारी संध्याकाळी ५ जून रोजी हैदराबादविरुद्धच्या त्याच्या आयपीएल सामन्यापूर्वी तिला कॉल केला आणि ही बातमी दिली. हा फोन आला तेव्हा बलजीत कौर संध्याकाळची पूजा करत होती. तिच्या मुलाचा या आनंदाच्या क्षणाबद्दल बोलताना तिने खुलासा केला, अर्शदीप प्रत्येक सामन्यापूर्वी मला कॉल करतो आणि आज संध्याकाळी मी पूजा करत असताना त्याचा फोन आला आणि तो मला म्हणाला, ‘आई, अभिनंदन, माझी भारतीय संघासाठी निवड झाली आहे.’

अर्शदीपची आई पुढे म्हणाली, मला माझे अश्रू आवरता आले नाहीत आणि जेव्हा त्याच्या सहकाऱ्यांनी कॉलमध्ये सामील होऊन टीम बसमध्ये भांगडा करायला सुरुवात केली तेव्हा मला कळले की अर्शदीपसाठी किती मोठा क्षण आहे. तो कधीही थकत नाही आणि फक्त एकच गोष्ट तो मला सांगेल की त्याच्या प्रशिक्षण सत्रानंतर मसाज कर.

अर्शदीप सिंगला आजचा क्रिकेटर बनवण्यात त्याच्या आई-वडिलांचा मोठा वाटा आहे. वृत्तानुसार, ७ वर्षांच्या तरुण वयात, एक सुरक्षा अधिकारी असलेले दर्शन सिंग यांना त्यांचा मुलगा त्यांच्या खरार निवासस्थानाजवळील एका उद्यानात इनस्विंग गोलंदाजी करताना दिसला. त्याची क्षमता ओळखून, त्याच्या वडिलांनी नंतर त्याच्या कौशल्याला प्रोत्साहन दिले आणि त्याला चंदीगडमध्ये प्रशिक्षक जसवंत राय यांच्याकडे दाखल केले.

या कथेचे वैशिष्ट्य म्हणजे त्याची आई, बलजीत कौर, जिने अर्शदीपला त्याच्या सरावासाठी नेले, त्यासाठी त्या खरार ते चंदीगड असा १३ किमी सायकल चालवत प्रवास करत असे आणि सराव पूर्ण होईपर्यंत तिथे बसून वाट पाहत असे. त्याची आई अभिमानाने म्हणाली, त्यांच्यासाठी हा एक खडतर प्रवास होता आणि त्याला इंडिया कॅप घातलेला पाहणे हा आमच्यासाठी सर्वात मोठा आनंद असेल.

अर्शदीप सिंग, जो त्याच्या यॉर्कर्ससाठी ओळखला जातो, आपल्या कौशल्याने सर्वांना प्रभावित करतो, विशेषत: डेथ ओव्हर्समध्ये, त्याचे भुवनेश्वर कुमार, हर्षल पटेल, आवेश खान आणि उमरान मलिक या वेगवान गोलंदाजांसह भारतीय क्रिकेट संघासाठी नाव देण्यात आले आहे.

त्याची निवड झाल्यानंतर पंजाब सुपर किंग्जमधील त्याच्या सहकाऱ्यांनी टीम बसमध्ये आनंद साजरा केला आणि भांगडा करायला सुरुवात केली. अर्शदीपचे प्रशिक्षक जसवंत राय यांनी त्याच्या प्रशिक्षण कालावधीची आठवण करून देताना म्हटले आहे जेव्हा अर्शदीप अकादमीमध्ये सामील झाला तेव्हा मी त्याच्या चेंडू स्विंग करण्याच्या क्षमतेने प्रभावित झालो. त्याच्या हाताची अ‍ॅक्शन जास्त होती आणि त्याची उंचीही त्यावेळी चांगली होती. मला आठवते की तो एका ओवरमधील सर्व सहा चेंडू वेगळ्या पद्धतीने टाकायचा. त्यावेळी तो अचूक नव्हता पण त्याच्या इनस्विंग गोलंदाजीच्या क्षमतेने मला वाटले की हा त्याच्या कारकिर्दीत खूप पुढे जाऊ शकतो.

अर्शदीपचे वडील दर्शन सिंग यांना त्यांच्या मुलांचे कौशल्य आणि खिलाडूवृत्ती यावर विश्वास आहे. भारतीय संघातील त्याच्या निवडीबद्दल बोलताना ते म्हणाले, “एक गोष्ट ज्याची त्याने सवय केली आहे ती म्हणजे स्वतःचे नियम न मोडणे. काहीही असो, तो सायकलने अकादमीत जायचा आणि तो १८ वर्षांचा झाल्यावरच त्याला स्कूटर मिळाली. जोपर्यंत तो त्याच्या पहिल्या मालिकेत भारतासाठी सर्वोत्तम कामगिरी करू शकत नाही तोपर्यंत तो जास्त सेलिब्रेट करणार नाही. चुका दुरुस्त करण्यासाठी तो स्वतःचे व्हिडिओ पाहायचा.

त्याच्या आईने त्याला सायकल सोडवण्यापासून ते त्याच्या सराव सत्रापर्यंत, दररोज, प्रत्येक कठोर प्रशिक्षण सत्रानंतर त्याला मसाज देऊन उपचार करण्यापर्यंत प्रत्येक टप्प्यावर त्याला साथ दिली. आईच्या प्रेमाला सीमा नसते हे अगदी बरोबर आहे. एका क्रिकेटपटूची यशोगाथा असण्याव्यतिरिक्त, ही त्याच्या आईच्या धैर्याची आणि विश्वासाची आणि तिच्या मुलाला आजचा क्रिकेट स्टार म्हणून पाहण्यासाठी तिने केलेल्या त्यागांची गोष्ट आहे.

महत्वाच्या बातम्या-
आयपीएल २०२२ च्या अंतिम सामन्यात फिक्सिंग? संजू सॅमसनवर चाहत्यांनी केले हे आरोप
गुजरातने राजस्थानला हरवून पदार्पणातच पटकावले आयपीएलचे विजेतेपद; हार्दीकने करून दाखवलं..
आजपासून सुरू होणार महिला आयपीएलचा थरार, जाणून घ्या कुठे आणि कसे पाहायचे हे सामने 
आयपीएलमधील चांगल्या कामगिरीचे या खेळाडूंना मिळाले फळ, टी-२० संघात मिळाली जागा