महाराष्ट्र नवनिर्माण सेनेचे अध्यक्ष राज ठाकरे यांनी मशिदीवरील भोंग्याविरोधात आक्रमक भूमिका घेतली. भोंगे हटवले गेले नाही तर त्यासमोर लाऊडस्पीकर लावून हनुमान चालीसा लावण्याचे आदेश त्यांनी मनसैनिकांना दिले. त्यावर वंचित आघाडीचे नेते प्रकाश आंबेडकर यांचे पुत्र सुजात आंबेडकर यांनी प्रतिक्रिया देत अमित ठाकरे यांना हनुमान चालीसा म्हणण्यांचं आव्हान दिलं. यावर आता राजकारणात सुजात आंबेडकर येणार या चर्चा सुरू झाल्या आहेत.
सुजात आंबेडकर यांनी लाऊडस्पीकर लावून हनुमान चालीसा लावण्याच्या मनसेच्या भूमिकेवर बोलताना राज ठाकरे यांच्या मुलावर निशाणा साधला होता. सुजात आंडबेकर यांनी अमित ठाकरे यांना हनुमान चालीसा म्हणण्यांच आव्हानही दिलं होतं. त्यामुळे सुजात आंबेडकर यांची सक्रीय राजकारणात एन्ट्री झाल्याची चर्चा राजकीय वर्तुळात सुरु झाली आहे.
या चर्चेला प्रकाश आंबेडकर यांनी स्पष्टीकरण देत, होणाऱ्या चर्चेला पूर्ण विराम लावला आहे. ते म्हणाले, सुजातने एमएससी केलं आहे. त्याला अजून शिकायचं आहे. शिक्षणासाठी तो बाहेर जातोय. तो आता पूर्णवेळ शिकायला जाणार आहे .शिक्षण पूर्ण झाल्याशिवाय त्याने राजकारणात यायचं नाही हे मी त्याला सांगितलं आहे.
तसेच त्यांना सुजातच्या शिक्षणाबद्दल प्रश्न केला तेव्हा म्हणाले की, सुजातने एमएससी केलं आहे. त्याला अजून शिकायचं आहे. शिक्षणासाठी तो बाहेर जातोय. तो आता पूर्णवेळ शिकायला जाणार आहे. तसेच मुलाने मनसेला दिलेल्या प्रतिक्रियावर प्रकाश आंबेडकर यांनी उत्तर दिले आहे.
म्हणाले, गेल्या दोन-तीन दिवसांत त्याने मांडलेल्या भूमिकेबाबत मी इतकंच सांगेन की, पत्रकारांनी त्याला प्रश्न विचारले आणि त्याने उत्तर दिलं. शिक्षण पूर्ण झाल्याशिवाय त्याने राजकारणात यायचं नाही हे मी त्याला सांगितलं आहे, असंही आंबेडकर यांनी सांगितलं.
दरम्यान, आंबेडकर यांनी युती संदर्भात एक वक्तव्य केलं. म्हणाले, आम्ही शिवसेनेसोबत युती करण्यात तयार आहोत. मला मुख्यमंत्री उद्धव ठाकरे यांनी एकदा भेटीसाठी बोलवलंही होतं. मात्र त्यांची काही हिम्मत झाली नाही मला काही बोलायची. त्याच बरोबर आम्ही काँग्रेस समोरही प्रस्ताव मांडला आहे. मात्र त्यांनी ठरवावं की युती करायची किंवा नाही. आम्ही लग्नाला तयार आहोत.
