आसाममध्ये एका पद्म पुरस्कार विजेत्यावर पोक्सो कायद्यांतर्गत अल्पवयीन मुलीवर बलात्कार केल्याप्रकरणी गुन्हा दाखल करण्यात आला आहे. या मुलीला पद्म पुरस्कार विजेत्याने दत्तक घेतले होते. याप्रकरणी पीडितेने आपल्या वडिलांनी वर्षभरापासून लैंगिक छळ केल्याचे निवेदन दिले आहे.
एफआयआरनंतर, पद्म पुरस्कार विजेत्याने गुवाहाटी उच्च न्यायालयात जामीन अर्ज दाखल केला. त्यानंतर २८ डिसेंबर रोजी त्यांना अंतरिम जामीन मंजूर करण्यात आला. आरोपीच्या याचिकेवर न्यायमूर्ती अरुण देव चौधरी यांनी कथित गुन्हा गंभीर स्वरूपाचा असल्याचे निरीक्षण नोंदवले. पीडितेचा आरोप लक्षात घेऊन एफआयआर नोंदवण्यात आल्याचे त्यांनी सांगितले.
ओरोपीच्या विरोधात नोंदवलेल्या एफआयआरमध्ये पीडितेने केलेल्या कोणत्याही विशिष्ट वक्तव्याचा उल्लेख नाही. अशा परिस्थितीत न्यायाच्या हितासाठी अंतरिम आदेश दिला जाईल, असे न्यायालयाने म्हटले आहे. यामध्ये याचिकाकर्त्याला ७ दिवसांत पोलिसांसमोर हजर राहण्यास सांगण्यात आले आहे. त्याचवेळी एका पोलीस अधिकाऱ्याने सांगितले की, आरोपी माझ्यासमोर हजर झाला असून त्याची कबुली नोंदवण्यात आली आहे.
पीडित सध्या बालगृहात विशेष पोलिसांच्या देखरेखीखाली आहे. पीडितेने तिच्या तक्रारीत म्हटले आहे की, तिला एका वर्षाच्या कालावधीसाठी (ऑगस्ट २०२० मध्ये) आरोपीच्या देखरेखीखाली ठेवण्यात आले होते.
पोक्सो कायदा २०१२ : मुलांवरील लैंगिक छळ, लैंगिक शोषण आणि पोर्नोग्राफी रोखण्यासाठी महिला आणि बाल विकास मंत्रालयाने पोक्सो कायदा २०१२ लागू केला. हे २०१२ मध्ये सादर केले गेले. या अंतर्गत वेगवेगळ्या गुन्ह्यांसाठी वेगवेगळ्या शिक्षा निश्चित करण्यात आल्या आहेत.
देशातील मुलींच्या दुर्दशेवर तोडगा काढण्यासाठी पोक्सो कायदा-२०२१ मध्ये बदल करण्यात आला आहे. आता या माध्यमातून १२ वर्षांपर्यंतच्या मुलीवर बलात्कार करणाऱ्या दोषींना फाशीची शिक्षा होणार आहे. या कायद्यांतर्गत अल्पवयीन मुलांसोबत लैंगिक अत्याचार आणि विनयभंगाच्या प्रकरणात कठोर कारवाई केली जाते.
