राज्यातील दोन वेगवेगळ्या झालेल्या अपघातात ९ भाविकांचा मृत्यू झाला आहे. या अपघातात २१ जण जखमी झाले आहेत. शेगाव येथील श्री गजानन महाराजांच्या दर्शनासाठी बलेरो गाडीचा भीषण अपघात झाला आहे.(9 killed, 21 injured in two accidents)
दुसरा अपघात हा सोलापूर-पुणे महामार्गावर कोंडी गावाजवळ वारकरी घेवून जाणाऱ्या ट्रॅक्टरला भरधाव मालट्रकने धडक दिल्याने झाला आहे. यातील एक अपघात रविवारी मध्यरात्री झाला आहे. तर दुसरा अपघात हा सोमवारी सकाळी झाला आहे. शेगाव येथे श्री. गजानन महाराजांच्या दर्शनांसाठी येणाऱ्या भक्तांवर देऊळगाव नजीक बलेरो आणि ट्रक यांच्यात जबर धडक झाली आहे.
यामुळे या अपघातात ५ भाविक ठार तर ४ जखमी झाले आहेत. ही घटना सोमवारी सकाळी ६ वाजता घडली आहे. गाडी चालक, १ महिला आणि ३ पुरुषांचा या अपघातात मृत्यू झाला आहे. अपघातात जखमी झालेल्या लोकांवर देऊळगाव राजा आणि जालना येथे शासकीय रुग्णालयात उपचार सुरू आहे.
दुसऱ्या अपघात हा पुणे महामार्गावर कोंडी गावाजवळ झाला आहे. वारकरी घेऊन निघालेल्या ट्रॅक्टरला भरधाव मालट्रकने ठोकरल्याने हा अपघात घडला आहे. या अपघातात ४ वारकरी ठार झाले आहेत. तर १७ जण जखमी झाले आहेत. ही घटना रविवारी रात्री पावणेअकराच्या सुमारास घडली आहे.
सर्वजण उस्मानाबाद जिल्ह्यातील तुळजापूरनजीकच्या कदमवाडी गावात राहणारे आहेत. सोमवारी एकादशी होती. त्यानिमित्ताने कदमवाडीचे सर्व वारकरी ट्रॅक्टरने रात्री जेवण करून विठ्ठल दर्शनासाठी उशिरा पंढरपूरला निघाले होते. हे सर्वजण कोंडी जवळील राहुटी येथे पोहोचले होते. यावेळी पुण्याला सिमेंट घेऊन निघालेल्या ट्रकचे टायर फुटले.
त्यामुळे चालकाचा गाडीवरील ताबा सुटला आणि गाडी ट्रकटरवर जाऊन आदळली. ट्रकने ट्रॅक्टरला मागच्या बाजूने सुमारे दीडशे फूट फरफटत नेले. त्यात ट्रॅक्टरच्या दोन्ही ट्रोली पलटी झाल्या. अपघात एवढा भीषण झाला की, डिव्हायडर फूटून ट्रॅक्टरमधील वारकर्‍यांना ट्रकने चिरडले. यामध्ये ४ वारकरी जागीच ठार झाले. तर १७ जण गंभीर जखमी झाले आहेत. अपघाताची माहिती मिळताच गावकरी व पोलीसांनी घटनास्थळी धाव घेतली. वरील दोन्ही अपघात मिळून ९ जणांचा मृत्यू तर २१ जण जखमी झाले आहेत.
महत्वाच्या बातम्या
पाकिस्तानी दौऱ्यावर गेलेल्या ऑस्ट्रेलियन संघाला जेवणात दाल-रोटी दिल्याने चाहते संतापले, म्हणाले..
मायावतींनी आपल्या पराभवासाठी धरले ‘या’ गोष्टीला जबाबदार; म्हणाल्या, यापेक्षा वाईट काय असू शकते
