आयपीएल स्पर्धेचा आगामी सिझन 26 मार्चपासून सुरू होणार आहे. यासाठी अवघ्या दोन आठवड्यांचा अवधी उरला आहे. मात्र, आता आयपीएल मधील प्रमुख संघाला एकापाठोपाठ एक धक्का बसत असल्याचं चित्र दिसत आहे. आयपीएल स्पर्धेच्या पहिल्या विजेतेपदाच्या प्रतीक्षेत असलेल्या दिल्ली कॅपिटल्सला ही स्पर्धा सुरू होण्यापूर्वीच मोठा धक्का बसला आहे.
नुकतेच आयपीएलमधल्या फ्रेंचायजींनी वेगवेगळ्या परदेशी खेळाडूंना मोठी किंमत मोजून आपल्या ताफ्यात घेतलं आहे. मात्र आता, अन्य देशांच्या क्रिकेट बोर्डांनी आखलेले दौरे तसंच दुखापतीमुळे अनेक खेळाडू मुख्य स्पर्धेला सुरुवात होण्याआधीच बाहेर पडत आहेत.
नुकतीच लखनौ सुपर जायंट्सला एक वाईट बातमी मिळाली आहे. लखनौ सुपर जायंट्सचा मॅच विनिंग गोलंदाज मार्क वुडला दुखापत झाली आहे. एंटीगा टेस्ट दरम्यान गोलंदाजी करताना त्याला ही दुखापत झाली होती. दक्षिण आफ्रिकेचा एनरिक नॉर्खिया दुखापतीमुळे खेळू शकणार ही बातमी समोर येताच आता ही दुसरी बातमी समोर आली.
एंटीगा टेस्ट दरम्यान मार्क वुडला दुखापत झाली आणि त्याच्या हाताचा कोपरा सुजला आहे. वेस्ट इंडिज आणि इंग्लंड दरम्यान कसोटी सामना सुरु आहे. यात मार्क वुडला दुखापतीमुळे गोलंदाजी करता आली नाही. वुडने फक्त चार षटक गोलंदाजी केली.
लखनऊनने वुडसला 7.5 कोटी रुपये किंमतीला विकत घेतलं होतं. मार्क वुड 145 किमी प्रतितास वेगाने गोलंदाजी करु शकतो. वुडने नुकत्याच संपलेल्या ASHES मालिकेत 17 विकेट घेतल्या होत्या. लखनऊ सुपर जायंट्स आयपीएलमधला नवीन संघ आहे. यंदाचा त्यांचा पहिला सीजन आहे.
मात्र, त्याच्या दुखापतीमुळे लखनऊ सुपर जायंट्सला मोठा झटका बसला आहे. यामुळे आता लखनऊचे 7.5 कोटी पाण्यात गेले असे म्हणता येईल. दरम्यान, जोफ्रा आर्चर ला देखील दुखापत झाली आहे. जोफ्रा आर्चरची दोन ऑपरेशन्स झाली आहेत. मागच्या वर्षभरापासून आर्चर आंतरराष्ट्रीय क्रिकेट आणि आयपीएलपासून लांब आहे.
