सिक्सर किंग युवराज सिंगचे वडील योगराज सिंग यांनी अर्जुन तेंडुलकरला चंदिगडमध्ये प्रशिक्षण दिले. यानंतर अर्जुनने रणजीमध्ये पदार्पण करताना शतक झळकावले. अर्जुनचे वडील सचिन तेंडुलकर यांनी प्रशिक्षणासाठी विनंती केली होती. शतकानंतर योगराजने अर्जुनचे अभिनंदन केले.
भारतीय क्रिकेट संघाचा दिग्गज सचिन तेंडुलकरचा मुलगा अर्जुन तेंडुलकरने भारतीय स्थानिक क्रिकेट रणजी ट्रॉफीमध्ये पदार्पण केले आहे. अर्जुनने गोव्याकडून खेळताना पदार्पणाच्या सामन्यात राजस्थानविरुद्ध शानदार शतक झळकावले. यासह त्याने वडील सचिन तेंडुलकरच्या विक्रमाची बरोबरी केली आहे.
अर्जुन तेंडुलकरच्या चाहत्यांना हा त्याचा नवा अवतार पाहायला मिळत आहे, त्यात सिक्सर किंग युवराज सिंगचे वडील योगराज सिंग यांचे मोठे योगदान मानले जाऊ शकते. रणजी करंडकापूर्वी योगराजनेच अर्जुनला खडतर प्रशिक्षण दिले. त्यामुळे गोलंदाज अर्जुनने बॅटनेही अप्रतिम कामगिरी केली आहे.
या खेळीनंतर योगराज सिंहने अर्जुनला यूकेमधूनच एक मेसेज पाठवला, ज्यामध्ये त्यांनी म्हटले की, तू माझे शब्द लिहून ठेव की एक दिवस तू महान अष्टपैलू बनशील. योगराजच्या हवाल्याने म्हटले आहे की, सचिननेच युवराज सिंग यांना अर्जुनला प्रशिक्षण देण्यास सांगितले होते. त्यानंतर युवराजने वडील योगराज यांना फोन करून याबाबत सांगितले, त्यानंतर अर्जुनचे प्रशिक्षण सुरू झाले.
योगराज सिंहने मेसेजमध्ये लिहिले की, ‘खूप चांगली फलंदाजी करणारा मुलगा. एक दिवस तू महान अष्टपैलू बनशील. माझा मुद्दा लिहून ठेव. योगराजने सांगितले की, ‘मला सप्टेंबरच्या पहिल्या आठवड्यात युवराजचा फोन आला. ते म्हणाले की अर्जुन फक्त दोन आठवड्यांसाठी चंदीगडमध्ये आहे. सचिनने मला प्रशिक्षण देण्याची विनंती केली आहे.
यानंतर योगराज म्हणाले, ‘मी सचिनच्या बोलण्याला कसे नकार देऊ? तो माझ्या मोठ्या मुलासारखा आहे. पण माझी एक अट होती. मी युवीला म्हणालो की तुला माझी ट्रेनिंगची पद्धत चांगली माहिती आहे. त्यामध्ये इतर कोणी ढवळाढवळ करू नये असे मला वाटते.
पदार्पणाच्या रणजी सामन्यात 23 वर्षीय अर्जुन तेंडुलकरने 178 चेंडूत शतक झळकावले होते. अर्जुन सातव्या क्रमांकावर फलंदाजीला आला. या खेळीत त्याने 12 चौकार आणि 2 षटकार मारले. अर्जुन तेंडुलकर आपल्या डावात एकूण 120 धावा करून बाद झाला. त्याने एकूण 207 चेंडूत 16 चौकार, 2 षटकार ठोकले.
सचिन तेंडुलकरनेही आपल्या रणजी पदार्पणाच्या सामन्यात शानदार शतक झळकावले आणि त्यावेळी अशी कामगिरी करणारा तो सर्वात तरुण फलंदाज ठरला. 1988 मध्ये मुंबईकडून खेळताना सचिन तेंडुलकरने वयाच्या 15 वर्षे 231 दिवसात पदार्पणाच्या सामन्यात शतक झळकावले होते. सचिनचे हे शतक गुजरातविरुद्ध आले.
महत्वाच्या बातम्या
लोकांच्या घराला रंग मारून बापाने पोराला मोठे केले; आज मुलगा करोडोत खेळतो अन् फॉर्च्युनरमध्ये फिरवतो
२१८ रुपये महीना पगारावर काम करणारा इंजिनीअर कसा बनला ५ हजार कोटींच्या कंपनीचा मालक? वाचा प्रेरणादायी कहाणी..
manoj pawar : शिंदेंना धक्का! सत्तेवर लाथ मारत शिंदे गटात गेलेला ‘हा’ बडा नेता पुन्हा आला ठाकरे गटात
