इंडियन प्रीमियर लीग (आयपीएल) मधील सर्वात यशस्वी संघांपैकी एक असलेल्या मुंबई इंडियन्सची या सीजनमध्ये अवस्था वाईट आहे. पाचवेळा चॅम्पियन मुंबई इंडियन्सने (mumbai indians) त्यांचे पहिले ८ सामने गमावले आहेत, ही त्यांची या सीजनमधील सर्वात खराब कामगिरी आहे. मुंबई यंदाच्या सीजनमधून बाहेर होण्याच्या मार्गावर आहे.(why-is-rohit-responsible-for-the-defeat-when-mumbai-has-an-army-of-18-supporting-staff-including)
संघाची अवस्था वाईट असेल तर कर्णधार रोहित शर्मा(rohit sharma )सर्वांच्या निशाण्यावर असतो. रोहित शर्माच्या नेतृत्वाखाली मुंबई इंडियन्सने पाचवेळा आयपीएलचे विजेतेपद पटकावले आहे, त्यामुळे आता सलग ८ सामने गमावणे सर्वांनाच आश्चर्याचा धक्का आहे. रोहित शर्मावर खराब कर्णधार, खराब फलंदाजीचे आरोप होत आहेत.
पण जर मुंबई इंडियन्सबद्दल बोलायचे झाले तर नेतृत्व गटात रोहित शर्मा एकटा नसून संघाच्या सपोर्ट स्टाफमध्ये दिग्गजांची फौज आहे. अशा परिस्थितीत रोहित शर्मावरच दोष टाकणे कितपत योग्य आहे, असाही प्रश्न उपस्थित होत आहे. मुंबई इंडियन्सच्या सपोर्टिंग स्टाफमध्ये एकूण १८ सदस्य आहेत.
यामध्ये महान फलंदाज सचिन तेंडुलकर, श्रीलंकेचा महान खेळाडू महेला जयवर्धने यांसारख्या मोठ्या नावांचा समावेश आहे. वेगवेगळ्या गोष्टींवर लक्ष केंद्रित करण्यासाठी सर्व प्रकारच्या लोकांना टीममध्ये ठेवण्यात आले आहे. अनेकवेळा असंही म्हटलं जातं की एकाच ठिकाणी बरीच डोकी लावली तर तीच गोष्ट अमलात आणण्यात घोळ होतो.
लखनौ सुपर जायंट्सकडून झालेल्या पराभवानंतर महेला जयवर्धनेने पत्रकार परिषद घेतली. ज्यामध्ये तो म्हणाला की आमच्या गोलंदाजांनी गेल्या दोन सामन्यांमध्ये चांगली कामगिरी केली आहे, पण आम्ही पूर्ण सातत्यपूर्ण गोलंदाजी केली नाही. या सीजनमध्ये बहुतांश संघाची गोलंदाजी चांगली राहिली आहे पण सुरुवातीच्या क्षणांमध्ये आम्हाला विकेट घेण्यात अपयश आले आहे.
तसेच फलंदाजीबाबत तो म्हणाला की, मला फलंदाजांच्या कामगिरीचे मूल्यमापन करावे लागेल. संघासाठी ही चिंतेची बाब आहे, हा वरिष्ठ खेळाडूंचा गट आहे आणि आम्हाला आमच्या फलंदाजांना सातत्यपूर्ण कामगिरी करण्यासाठी प्रोत्साहन द्यावे लागेल. त्याने आपल्या फलंदाजीने संघासाठी सातत्याने धावा काढाव्यात अशी आमची इच्छा आहे.
२५ एप्रिल रोजी कर्णधार रोहित शर्मानेही एक भावनिक ट्विट करून चाहत्यांचे आभार मानले होते. रोहित शर्माने लिहिले की, या स्पर्धेत आम्ही आमचे सर्वोत्तम प्रदर्शन केले नाही. क्रीडा विश्वातील अनेक दिग्गज या टप्प्यातून बाहेर पडले आहेत, परंतु मला माझा संघ आणि तेथील वातावरण आवडते.
मी आमच्या शुभचिंतकांचे आभार मानू इच्छितो ज्यांनी आमच्यावर विश्वास दाखवला आणि संघाप्रती अतूट निष्ठा दाखवली. रोहित शर्माच्या या ट्विटनंतर रोहित संघाचे कर्णधारपद सोडतोय की काय अशी अटकळ बांधली जाऊ लागली. कारण आयपीएलच्या यशाच्या जोरावर तो भारतीय संघाचा कर्णधार झाला.
आता रोहित शर्मा टीम इंडियाच्या तिन्ही फॉरमॅटचा कर्णधार आहे, पण यानंतर जेव्हा तो आयपीएलमध्ये परतला तेव्हा पहिल्या आठ सामन्यात त्याला सलग पराभव पत्करावा लागला. जी मुंबई इंडियन्सची आयपीएल इतिहासातील सर्वात खराब कामगिरी आहे.
महत्त्वाच्या बातम्या
रामनवमीच्या हिंसाचारानंतर लोकांनी स्वत:च घरं पाडायला केली सुरूवात, बुलडोझर घेऊन पोहोचले प्रशासन
‘हा’ व्यक्ती बनवणार सलमान खानला मोठा नेता, आता सलमान खान करणार राजकारण?
‘त्या’ वादानंतर सलमान खानने उद्ध्वस्त केले अरिजित सिंगचे करिअर, वाचा नेमकं काय घडलं होतं?
अखेर इंडियन आयडॉल फेम सायली कांबळेने बॉयफ्रेंडसोबत उरकले लग्न, पहा लग्नाचे व्हिडीओ-फोटो