Sanjay Raut on Amit Shah: मुंबई महानगरपालिकेच्या आगामी निवडणुकांवरून राजकारण चांगलंच तापलं आहे. केंद्रीय गृहमंत्री अमित शाह (Amit Shah Minister) यांनी “मुंबईत भाजपचाच महापौर बसणार” असं वक्तव्य केल्यानंतर शिवसेना ठाकरे गटाचे खासदार संजय राऊत (Sanjay Raut MP) यांनी त्यांच्यावर जोरदार हल्लाबोल केला.
राऊत म्हणाले, “काय उखडायचं ते उखडा, मुंबई महापालिकेवर आमचाच भगवा फडकणार. उद्धव ठाकरे (Uddhav Thackeray leader) आणि राज ठाकरे (Raj Thackeray MNS chief) यांच्या घट्ट युतीमुळे बीएमसीत मराठी माणसाचाच महापौर बसणार. हे मी एकनाथ शिंदे (Eknath Shinde CM) यांनाही सांगतो आणि भाजपच्या दिल्लीतील नेत्यांनाही सांगतो. अमित शाह मुंबईत आले तेव्हा शिंदे त्यांच्यामागे शेपटीसारखे फिरत होते. शाह यांनी महापौर भाजपचा होणार असं सांगितलं तेव्हा शिंदेंनी मराठी महापौरची मागणी का नाही केली?”
राऊत पुढे म्हणाले की, काही नेत्यांनी पूर्वी राज ठाकरे यांच्यासोबत फक्त एवढंच म्हणून मैत्री केली की उद्धव आणि राज हे दोघे भाऊ एकत्र येऊ नयेत. मात्र आज हे दोन्ही भाऊ एकत्र येत असल्याने त्यांची मैत्री पातळ झाली आहे. आता खरी युती होत असल्याचं त्यांनी स्पष्ट केलं.
दरम्यान, उपमुख्यमंत्री अजित पवार (Ajit Pawar Deputy CM) यांच्या संदर्भातील एका व्हिडिओने नवीन वाद निर्माण केला आहे. अवैध मुरुम उत्खननावर कारवाई करणाऱ्या आयपीएस अधिकारी अंजली कृष्णा (Anjali Krishna IPS) यांना पवारांनी फोनवरून दम दिल्याचा आरोप आहे. यावर राऊतांनी जोरदार प्रहार केला. ते म्हणाले, “मिस्टर अजित पवार, तुमची शिस्त कुठे गेली? तुम्ही म्हणता ना की बेशिस्त खपवून घेतली जाणार नाही. मग आपल्या कार्यकर्त्यांना संरक्षण देण्यासाठी तरुण अधिकाऱ्याला कारवाई करू नका असं का सांगता? या दोन उपमुख्यमंत्र्यांनी अर्धा महाराष्ट्र लुटला आणि आता त्यांचे हस्तक उरलेला भाग लुटत आहेत.”
राऊतांनी इशारा दिला की, अजित पवारांचा पक्ष आणि शिंदे यांचा पक्ष या दोघांच्या कार्यकर्त्यांमध्ये गुन्हेगारांचे प्रमाण आहे. “डाकू, लुटेरे, तस्कर अशा लोकांना तुम्ही सत्ता देऊन मोकाट सोडलं आहे. सुनील शेळके (Sunil Shelke MLA) यांच्या खनिज प्रकरणातही मीच सत्य बाहेर काढलं होतं. आजही त्याच पद्धतीने महाराष्ट्राच्या तिजोरीला चुना लावला जातोय,” असा घणाघात त्यांनी केला.
