Intelligence Bureau Recruitment : देशाच्या सुरक्षा यंत्रणेतील अत्यंत महत्त्वाची संस्था म्हणून ओळखली जाणारी इंटेलिजेंस ब्युरो (Intelligence Bureau) त्यांच्या तांत्रिक विभागासाठी कुशल आणि प्रशिक्षित युवकांची मोठ्या प्रमाणावर निवड प्रक्रिया राबवत आहे. अभियांत्रिकी किंवा संगणक विज्ञानासंबंधित शिक्षण घेतलेल्या तरुणांसाठी ही भरती एक उत्कृष्ट करिअर संधी मानली जात आहे. इच्छुक उमेदवारांसाठी अर्जाची अंतिम मुदत अत्यंत कमी शिल्लक असल्याने लवकर अर्ज करणे आवश्यक आहे.
या भरतीद्वारे अंतर्गत सुरक्षा, गोपनीय माहिती संकलन आणि संवेदनशील विषयांवर लक्ष ठेवणाऱ्या इंटेलिजेंस ब्युरो (IB) संस्थेत काम करण्याची संधी उपलब्ध होते. ACIO-II आणि टेक विभागातील जागांसाठी उमेदवारांची निवड करण्यात येणार असून, तांत्रिक शाखेत करिअर करू इच्छिणाऱ्यांसाठी ही संधी विशेष महत्त्वाची आहे.
भरतीतील उपलब्ध पदे आणि संख्या
इंटेलिजेंस ब्युरोने जाहीर केलेल्या जाहिरातीप्रमाणे एकूण 258 ACIO ग्रेड-II / टेक पदे उपलब्ध आहेत. यामध्ये 114 अनारक्षित (UR), 68 OBC, 37 SC, 18 ST आणि 21 EWS पदांचा समावेश आहे. अर्ज करण्याची अंतिम तारीख 16 नोव्हेंबर निश्चित केली आहे. इलेक्ट्रॉनिक्स, इलेक्ट्रॉनिक्स & कम्युनिकेशन्स, इलेक्ट्रिकल & इलेक्ट्रॉनिक्स, आयटी, संगणक विज्ञान किंवा अभियांत्रिकी पदवी असलेले उमेदवार पात्र ठरतील.
या भरतीची मोठी वैशिष्ट्यपूर्ण बाब म्हणजे लेखी परीक्षा नसून निवड पूर्णतः GATE गुणांवर आधारित असेल. गुण EC (Electronics & Communication) किंवा CS (Computer Science & IT) मध्येच असणे आवश्यक आहे.
पगार संरचना
या पदांसाठी निवड झालेल्या उमेदवारांना लेव्हल-7 पे मॅट्रिक्सनुसार ₹44,900 ते ₹1,42,000 इतका पगार मिळेल. वयोमर्यादा 18 ते 27 वर्षे असून, आरक्षित प्रवर्गासाठी शासनाच्या नियमांनुसार वयात सूट देण्यात येईल — SC/ST साठी 5 वर्षे आणि OBC साठी 3 वर्षे.
अर्ज कसा करायचा?
-
गृह मंत्रालयाच्या अधिकृत संकेतस्थळाला भेट द्या: mha.gov.in
-
मुख्यपृष्ठावरील “New What’s” विभागात जा.
-
“ACIO-II/Tech पदासाठी ऑनलाइन अर्ज” ही लिंक निवडा.
-
पुढील पानावर उपलब्ध अर्ज लिंकवर क्लिक करा.
-
जाहिरात पाहण्यासाठी “येथे क्लिक करा” निवडून संपूर्ण अधिसूचना वाचा.
-
पात्रता तपासल्यानंतर “Register” वर क्लिक करून नोंदणी करा.
-
आवश्यक माहिती भरून अर्ज सबमिट करा.
-
शेवटी शुल्क भरून प्रक्रिया पूर्ण करा.
