पहिल्याच सिरीजमध्ये रोहित शर्मा ठरला सुपरहिट, ‘हे’ पाच खेळाडू ठरले विजयाचे शिल्पकार

भारताने T20 विश्वचषकाच्या उपविजेत्या न्यूझीलंडला तिसऱ्या T20I मालिकेत क्लीन स्वीप केले. कोलकाता येथे झालेल्या तिसऱ्या आणि शेवटच्या सामन्यातही टीम इंडियाने बाजी मारली. पूर्णवेळ T20 कर्णधार म्हणून  रोहित शर्माचा हा पहिला सीरीज विजय होता.

या सीरीजसाठी विराट कोहली, जसप्रीत बुमराह, मोहम्मद शमी आणि रवींद्र जडेजा यांना विश्रांती देण्यात आली आहे. असे असतानाही भारताने किवी संघाला केले. खेळाच्या प्रत्येक विभागात भारतीय खेळाडूंनी न्यूझीलंडला मागे टाकले. या मालिका विजयात 5 खेळाडूंनी महत्त्वाची भूमिका बजावली. यामध्ये रोहित शर्माचे नाव आघाडीवर आहे.

रोहित शर्माने या मालिकेत कर्णधारपदासह संघाच्या सलामीवीराची भूमिका निभावली होती. टी-20 विश्वचषकानंतर केवळ 2 दिवसांनी मालिकेतील पहिला टी-20 सामना न्यूझीलंडविरुद्ध खेळला गेला. रोहितही गेल्या ६ महिन्यांपासून सतत क्रिकेट खेळत आहे. त्याला रजा घेण्याचीही संधी मिळाली. मात्र त्याने या मालिकेत प्रवेश करण्याचा निर्णय घेतला. रोहितने या मालिकेतील 3 सामन्यात सर्वाधिक 159 धावा केल्या. त्याने आधी रांची आणि नंतर कोलकाता टी-२० मध्ये अर्धशतक झळकावले. या मालिकेत त्याने 11 चौकार आणि 10 षटकार मारले.

या सिरीजमधील तिन्ही सामन्यांमध्ये रोहित शर्माने शानदार कर्णधारपद भूषवले. प्लेइंग-11 निवडण्यापासून ते गोलंदाजीपर्यंतचे बदल ठरवले. रोहित प्रत्येक बाबतीत खरा ठरला. तो मैदानात एकदम शांत दिसत होता. रांचीमधील दुसरा सामना जिंकून भारताने सीरीज जिंकली. या सामन्यानंतर पत्रकार परिषदेत रोहित असे काही म्हणाला की, त्यामुळे त्याच्या कर्णधारपदाच वेगळच स्थान निर्माण झालं.

सामन्यानंतर तो म्हणाला की, बेंच स्ट्रेंथचे खेळाडू सातत्याने चांगली कामगिरी करत आहेत. त्यामुळे मैदानावरील खेळाडूंवर दडपण असते. त्यांना मुक्तपणे खेळण्याचे स्वातंत्र्य देणे माझ्यासाठी महत्त्वाचे होते. हा युवा संघ आहे, ज्यातील काहींनी सामने खेळलेले नाहीत. रोहितने व्यंकटेश अय्यर आणि हर्षल पेटल यांना या सिरीजमध्ये आंतरराष्ट्रीय पदार्पण दिले आणि दोन्ही खेळाडू त्यांच्या अपेक्षांवर खरे उतरले.

हर्षल पटेल हा सिरीज जिंकण्याचा दुसरा शिल्पकार आहे. या मालिकेद्वारे त्याने आंतरराष्ट्रीय क्रिकेटमध्ये पदार्पण केले. पण मालिकेत त्याने ज्या पद्धतीने गोलंदाजी केली. आंतरराष्ट्रीय क्रिकेटमध्ये आपण नवीन आहोत असे त्याला कधीच वाटले नाही. हर्षलने रांचीमधील दुसऱ्या टी-२० सामन्यात पदार्पण केले. त्याने सामन्यात 4 षटकात 25 धावा घेत 2 बळी घेतले. त्याला ‘प्लेयऱ ऑफ द मैच’ म्हणून गौरवण्यात आले. त्याने कोलकात्यात हाच ट्रेंड सुरू ठेवला आणि 3 षटकांत 26 धावा देत 2 बळी घेतले. याशिवाय हर्षलनेही 11 चेंडूत 18 धावा केल्या. त्याने या मालिकेत सर्वाधिक विकेट्स घेतल्या.

या सिरीजमध्ये केएल राहुलची बॅटिंग जोरदार होती. त्याने 2 सामन्यात 40 च्या सरासरीने 80 धावा केल्या. रांची येथे झालेल्या दुसऱ्या टी-20 सामन्यात राहुलने 49 चेंडूत 65 धावांची खेळी केली. या सामन्यात केएल राहुलने रोहित शर्मासह पहिल्या विकेटसाठी ११७ धावांची भागीदारी करत भारताच्या सिरीज विजयाचा पाया रचला. आंतरराष्ट्रीय T20 मध्ये या दोन फलंदाजांनी शतकी भागीदारी करण्याची ही पाचवी वेळ होती. त्याने बाबर आझम आणि मोहम्मद रिझवान यांच्या विक्रमाची बरोबरी केली.

अक्षत पटेल या डावखुऱ्या स्पिनरने न्यूझीलंडविरुद्धच्या सिरीजमध्ये चमकदार कामगिरी केली होती. अक्षयने 3 सामन्यात 16.50 च्या सरासरीने 4 विकेट घेतल्या. त्याची इकोनॉमी 6 होती आणि त्याने मालिकेत प्रत्येक 16 चेंडूत एक विकेट घेतली.

आर अश्विनने न्यूझीलंडविरुद्धच्या मालिकेतही टी-२० विश्वचषकातील चांगला फॉर्म कायम ठेवला. या ऑफस्पिनरने T20 विश्वचषकातील सराव सामना वगळता 3 सामन्यात 6 विकेट घेतल्या. अश्विनने न्यूझीलंडविरुद्धच्या मालिकेतही किफायतशीर गोलंदाजी केली होती. त्याने फक्त 5.25 च्या इकॉनॉमी रेटने धावा दिल्या आणि एकूण 3 बळी घेतले.

महत्वाच्या बातम्या
पोरांना अडकवून खंडणी उकळण्याचा प्रयत्न करणाऱ्या NCB अधिकाऱ्यांना तुरूंगात टाका – शिवसेना
पोलीस भरती परीक्षेत कॉफी बहाद्दरांची अनोखी शक्कल, चक्क मास्कमध्येचं बसवले इलेक्ट्रोनिक डिव्हाईस, पाहून पोलीसही हैराण
कोकणात पुन्हा एकदा शिवसेनेने मारली बाजी; राणेंचा दारूण पराभव करत केला सुपडा साफ
मोदी सरकार दोन मोठ्या सरकारी कंपन्यांची विक्री करण्याच्या तयारीत, नावे वाचून धक्का बसेल

Comments are closed, but trackbacks and pingbacks are open.