Uttar Pradesh : उत्तर प्रदेशातील लखनऊ येथे एका सराफाच्या हत्येमुळे मोठी खळबळ उडाली आहे. 65 वर्षीय रुप नारायण सोनी या सावकाराची हत्या त्यांच्या दोन अल्पवयीन बहिणींसह तीन चुलत भावांनी केल्याचा आरोप आहे.
कर्ज आणि दबावामुळे कट रचला
पोलिसांच्या माहितीनुसार, आरोपी मुलींपैकी एकीने डिसेंबर 2024 मध्ये सोनी यांच्याकडून 65,000 रुपयांचे कर्ज घेतले होते. मात्र, व्याज फेडण्यास ती अपयशी ठरली. सोनी वारंवार पैसे मागत होते आणि पीडितेवर शारीरिक संबंधासाठी दबाव टाकत असल्याचा आरोप आहे. या त्रासाला कंटाळून तिने आपल्या भावांना सोनीला संपवण्याची योजना सांगितली.
खुनाचा कट आणि अंमलबजावणी
18 मार्च रोजी, पैसे परत करण्याचे बहाणे करत पीडितेला घरी बोलावण्यात आले. तो घरात शिरताच, आरोपींनी त्याला घेरले. वाद वाढल्यावर मुलींनी आणि त्यांच्या भावांनी वीट व इतर वस्तूंनी वार करत त्याचा जीव घेतला. नंतर पुरावा नष्ट करण्यासाठी त्यांनी मृतदेह रस्त्याच्या कडेला टाकला आणि घटनास्थळावरून पसार झाले.
दुकानातून दागिने लुटले
खून केल्यानंतर आरोपींनी सोनी यांच्या खिशातील दुकानाची चावी घेतली. त्याच रात्री त्यांनी दुकानातून 5 किलो चांदी आणि 143 ग्रॅम सोन्याचे दागिने लुटले. पोलिसांना तपासादरम्यान दुकानाचे शटर उघडे आढळले आणि तिथूनच संशय वाढला. सीसीटीव्ही फुटेज आणि इतर पुराव्यांच्या आधारे आरोपींना अटक करण्यात आली.
गुन्ह्याची कबुली आणि पुढील कारवाई
पोलिसांच्या चौकशीत पाचही आरोपींनी गुन्ह्याची कबुली दिली. दोघा अल्पवयीन मुलींना बाल सुधारगृहात पाठवण्यात आले असून तीन चुलत भाऊ पोलिसांच्या ताब्यात आहेत. आरोपींकडून चोरी केलेले दागिने, गुन्ह्यात वापरलेली वीट आणि रुग्णवाहिका जप्त करण्यात आली आहे.
या घटनेमुळे संपूर्ण परिसरात भीतीचे वातावरण पसरले असून, आरोपींवर कठोर कारवाईची मागणी होत आहे.
