‘द काश्मीर फाइल्स'(The Kashmir Files) या चित्रपटाने २०२२ मधील कमाईच्या बाबतीत अव्वल असणाऱ्या चित्रपटांमध्ये स्थान मिळवले आहे. या चित्रपटाने बॉक्स ऑफिसवर धुमाकूळ घालत आतापर्यंत २३८ कोटींची कमाई केली होती. या चित्रपटाला प्रेक्षकांची आणि समीक्षकांची देखील मोठी पसंती मिळाली होती. हा चित्रपट काश्मिरी पंडितांवर झालेल्या अत्याचारावर आधारित होता. (the kashmir files movie sequel vivek agnihotri criticize shivsena )
आता ‘द काश्मीर फाइल्स’ या चित्रपटाचा सिक्वल येणार असल्याची घोषणा चित्रपटाचे दिग्दर्शक विवेक अग्निहोत्री यांनी केली आहे. दिग्दर्शक विवेक अग्निहोत्री यांनी ट्विटरवर पोस्ट करत यासंदर्भातील माहिती दिली आहे. यावेळी दिग्दर्शक विवेक अग्निहोत्री यांनी ‘द काश्मीर फाइल्स’ चित्रपटाला विरोध करणाऱ्या राजकीय पक्षांना टोला लगावला आहे.
दिग्दर्शक विवेक अग्निहोत्री यांनी शिवसेना पक्षावर देखील टीका केली आहे. या ट्विटमध्ये दिग्दर्शक विवेक अग्निहोत्री यांनी लिहिले आहे की, “खूप दहशतवादी संघटना, पाकिस्तानी लोक, काँग्रेस, आम आदमी पक्ष आणि आता शिवसेना सुद्धा. तसेच अर्बन नक्षलवादी देखील मला ‘द काश्मीर फाइल्स’ चित्रपटाच्या संदर्भात विचारत आहेत. मी तुम्हाला वचन देतो की मी तुम्हाला निराश करणार नाही”, असे ट्विट दिग्दर्शक विवेक अग्निहोत्री यांनी केलं आहे.
A lot of terror Organisations, Pakistanis, Congress, AAP (now Shiv sena also) and #UrbanNaxals are asking me for Kashmir Files 2. I promise I wont disappoint you.
The part 2 is called #TheDelhiFiles.
Start building good immunity. Coming in 2024. https://t.co/yiGtE76LqN
— Vivek Ranjan Agnihotri (@vivekagnihotri) June 5, 2022
या ट्विटवर अनेकांनी प्रतिक्रिया दिल्या आहेत. ‘द काश्मीर फाइल्स’ चित्रपटाच्या सिक्वलचे नाव ‘द दिल्ली फाइल्स’ असे आहे. २०२४ मध्ये ‘द दिल्ली फाइल्स’ हा चित्रपट प्रदर्शित होणार आहे. प्रेक्षकांमध्ये या चित्रपटाची आतापासूनच उत्सुकता निर्माण झाली आहे. ‘द दिल्ली फाइल्स’ या चित्रपटाची प्रेक्षक आतुरतेने वाट पाहत आहेत.
‘द काश्मीर फाइल्स’ या चित्रपटाचे दिग्दर्शन विवेक अग्निहोत्री यांनी केलं होतं. या चित्रपटात दिग्गज अभिनेते अनुपम खेर, मिथुन चक्रवर्ती आणि दर्शन कुमार यांच्या प्रमुख भूमिका आहेत. ‘द काश्मीर फाइल्स’ या चित्रपटाच्या निर्मितीवर २५ कोटी रुपये खर्च आला होता. पण या चित्रपटाने बॉक्स ऑफिसवर बक्कळ कमाई केली होती.
‘द काश्मीर फाइल्स’ या चित्रपटावर अनेक राजकीय पक्षातील नेत्यांनी टीका केली होती. ‘द काश्मीर फाइल्स’ हा चित्रपट दोन समाजांमध्ये फूट पाडण्यासाठी बनवण्यात आला आहे, अशी टीका राजकीय नेत्यांनी केली होती. तर काही राजकीय पक्षांनी ‘द काश्मीर फाइल्स’ चित्रपटाची बाजू घेतली होती. ‘द काश्मीर फाइल्स’ चित्रपटात सत्य दाखवण्यात आलं आहे, असे भाजप नेत्यांनी सांगितले होते.
महत्वाच्या बातम्या :-
जॉनी डेपने घेतला लंडनमधील भारतीय हॉटेलमध्ये जेवणाचा आस्वाद, दिली ४९ लाखांची टीप
चलनी नोटांवर महात्मा गांधींऐवजी अब्दूल कलामांचा फोटो येणार? रिझर्व बॅंकेने केला खुलासा
अंबानींची सून राधिका मर्चंटचा ‘अरंगेत्रम’ सोहळा, सलमान, रणवीरसह ‘या’ दिग्गजांची हजेरी; पहा फोटो..
