Pahalgam attack : जम्मू-कश्मीरमधील पहलगाम येथे झालेल्या भीषण दहशतवादी हल्ल्यानंतर आता तपास यंत्रणांनी हल्ल्याच्या प्रमुख सूत्रधाराचा शोध अधिक तीव्र केला आहे. *हाशिम मुसा* नावाचा पाकिस्तानशी संबंधित दहशतवादी, जो *26 पर्यटकांच्या हत्येच्या घटनेत मुख्य आरोपी* मानला जातो, तो सध्या काश्मीरच्या घनदाट जंगलात लपलेला असल्याचं समोर आलं आहे.
*हाशिम मुसा कोण आहे?*
हाशिम मुसा उर्फ आसिफ फौजी उर्फ सुलेमान हा पाकिस्तानचा नागरिक असून, तो पाकिस्तानच्या *एसएसजी (Special Services Group)* चा माजी कमांडो आहे. लष्करात कार्यरत असतानाच त्याने *लष्कर-ए-तय्यबा* या दहशतवादी संघटनेत प्रवेश घेतला होता. त्याने पाकिस्तानात *बॉर्डर अॅक्शन टीम* उभारण्यातही महत्त्वाची भूमिका बजावली होती. हाच तो कट्टरपंथी आहे ज्याच्यावर 2023 मध्ये पूंछ-राजौरी भागात भारतीय जवानांवर हल्ले केल्याचे आरोप आहेत.
*जंगलात लपून मोबाईल अॅपचा वापर!*
सध्या हाशिम मुसा आपल्या काही साथीदारांसह काश्मीरच्या जंगलात लपलेला असून, तो *इंटरनेटशिवाय कार्यरत होणाऱ्या ‘अल्पाईन क्वेस्ट’ नावाच्या मोबाईल अॅपचा* वापर करून जंगलातील मार्ग शोधतो आहे. याशिवाय, त्याच्याकडे *चिनी बनावटीची प्रगत कम्युनिकेशन साधने* असल्याचंही समोर आलं आहे, ज्यामुळे त्याचा शोध घेणं सुरक्षा दलांसाठी अधिक कठीण बनलं आहे.
*पाकिस्तान कनेक्शन आणि ISIचा संशय*
हाशिम मुसाचा *पाकिस्तानच्या सैन्याशी थेट संबंध* असल्याचं उघड झालं आहे. याशिवाय त्याचे *ISI (Inter-Services Intelligence)* शीही संबंध आहेत का, याचा तपास सुरु आहे. मागील काही महिन्यांपासून तो काश्मीरमध्ये दहशतवादी कारवायांमध्ये सक्रिय आहे.
*एनआयएचा तपास जम्मूपर्यंत*
पहलगाम हल्ल्याच्या पार्श्वभूमीवर *राष्ट्रीय तपास यंत्रणा (NIA)* सध्या जम्मूतील *कारागृहांमधील काही संशयित कैद्यांची चौकशी* करत आहे. कारण 2023 च्या सुरुवातीला धर्म विचारून हिंदूंची हत्या करण्यात आली होती, आणि पहलगाममध्येही तत्सम पद्धतीने पर्यटकांवर हल्ला करण्यात आला. त्यामुळे या घटनांमध्ये कुठे तरी सुसंगती असल्याची शक्यता वर्तवली जात आहे.
*भारत घेणार जागतिक पातळीवर आक्षेप*
हाशिम मुसा आणि इतर मारल्या गेलेल्या दहशतवाद्यांकडून सापडलेल्या दस्ताऐवजांतून पाकिस्तानच्या ‘टेरर फॅक्टरी’चे स्पष्ट पुरावे मिळाले आहेत. भारत सरकार हे पुरावे आंतरराष्ट्रीय पातळीवर मांडण्याच्या तयारीत आहे.
*हाशिम मुसावर 20 लाखांचं इनाम*
पहलगाम हल्ल्यानंतर हाशिम मुसा याच्या अटकेसाठी *२० लाख रुपयांचं इनाम* जाहीर करण्यात आलं आहे. सध्या तो सुरक्षा दलांच्या ‘मोस्ट वाँटेड’ यादीत सर्वात वरच्या क्रमांकावर आहे.
terrorists-involved-in-pahalgam-attack-still-in-kashmir
