पुण्यात भीषण अपघात; बांधकाम सुरु असताना मजूरांवर कोसळला लोखंडी स्लॅब, ५ मजूर ठार

महाराष्ट्रातील पुण्यात गुरुवारी रात्री उशिरा झालेल्या भीषण अपघातात ५ मजुरांचा मृत्यू झाला आहे, तर ३ मजूर गंभीर जखमी झाले आहेत. जखमींवर उपचार सुरू आहेत. ही घटना पुण्यातील येरवडा पोलीस ठाण्याच्या हद्दीतील आहे.(Terrible accident in Pune 5 workers killed)

अग्निशमन दलाचे पथक घटनास्थळी पोहोचले आणि त्यांनी कशीतरी बचाव मोहीम राबवून कामगारांची सुटका केली. पोलीस उपायुक्त रोहिदास पवार यांनी सांगितले की, अपघातात ५ जणांचा मृत्यू झाला आहे, तर ३ जण गंभीर जखमी आहेत. या भीषण अपघाताने सर्वांच्याच हृदयाचा ठोका चुकवला आहे.

त्याचवेळी, वाहतूक पोलिस आयुक्त राहुल श्रीरामे यांनी दिलेल्या माहितीनुसार, येरवड्यातील शास्त्री वाडिया बंगल्याजवळ हा अपघात झाला. येथील एका बांधकाम सुरू असलेल्या इमारतीच्या तळघरात रात्री उशिरा काम सुरू होते. यादरम्यान अचानक पार्किंगमध्ये मोठा लोखंडी स्लॅब पडला.

आयुक्त पुढे म्हणाले की, स्लॅब टाकण्यासाठी 16 मिमी जड लोखंडी सळ्यांपासून जाळी तयार करण्यात आली होती. कट्ट्याच्या साहाय्याने उभे असलेले कामगार कामात मग्न होते. अचानक ही लोखंडी जाळी काम करणाऱ्या 10 मजुरांवर पडली. जड जाळीखाली दबलेल्या मजुरांच्या शरीरात लोखंडी सळ्या घुसल्या.

अपघाताची माहिती मिळताच अग्निशमन दल घटनास्थळी दाखल झाले. जाळीत गाडलेल्या मजुरांना कटरच्या सहाय्याने बाहेर काढण्यात आले. अपघातात गंभीर जखमी झालेल्या ३ मजुरांवर उपचार सुरू आहेत. येरवडा पोलिसांनी गुन्हा दाखल करून तपास सुरू केला आहे. हे मजूर कोठून आले आणि कधीपासून येथे काम करत होते, याचाही शोध पोलिस घेत आहेत.

महत्वाच्या बातम्या
नाद खुळा! ६ लाख खर्चून शेतकऱ्याने घरावर बसवला खराखुरा ट्रॅक्टर; ‘हे’ आहे कारण…
शाहरूख खानसाठी उर्मिला मातोंडकर मैदानात, म्हणाली, ‘याला थुंकणे नाही फुंकणे म्हणतात’
वडिलांच्या निधनानंतर सुरेश रैनावर कोसळला दु:खाचा डोंगर; म्हणाला, वडील गमावल्यानंतर माझी..
“किरीट सोमय्यांचे हात पाय तोडा; दोन-चार महिने उठले नाही पाहिजेत”