तुम्हाला म्हाडामध्ये घर घ्यायचय? मग ही बातमी खास तुमच्यासाठी

स्वतःचे हक्काचे घर असावे असे प्रत्येकाचे स्वप्न असते. त्यासाठी सरकार विविध योजना राबवून घरे देण्याचा प्रयत्न करत असते. पुणे गृहनिर्माण व क्षेत्रविकास मंडळ पुणे यांच्याकडून दिनांक २२/०१/२०२१ रोजी सहावी म्हाडाच्या घरांची ऑनलाईन सोडत झाली होती. या सोडतीमध्ये घर मिळालेल्या अर्जदारांचे अर्ज पात्रतेचे शिबीर एकाच ठिकानी घेण्यात येणार असल्याची माहिती म्हाडाचे मिळकत व्यवस्थापक विजय ठाकुर यांनी दिली आहे.

दिनांक ८/०२/२०२१ ते 1५/०२/२०२१ या कालावधीमध्ये गृहनिर्माण मंडळाच्या गृहनिर्माण भवन, आगरकर नगर पुणे येथे शिबीराचे आयोजन केले आहे. याची माहिती सर्व अर्जदारांना ईमेलद्वारे देण्यात आली आहे. अर्जदारांनी ईमेलमध्ये सांगितलेली रक्कम भरून त्याची पावती आणि कागदपत्रे घेऊन दिनांक ८/०२/२०२१ ते 1५/०२/२०२१ या दिवसांमध्ये म्हाडाच्या कार्यालयात उपस्थित राहावे. असं सागंण्यात आलं आहे.

सदर शिबीरामध्ये संकेत क्रमांकाप्रमाणे तपासणी पथकं तयार केली आहेत. अर्जदारांनी आपापल्या संकेत क्रमांकाच्या तपासणी पथकासमोर आपली कागदपत्रे आणि रक्कम भरलेली पावती दाखवायची आहे. कागदपत्रे तपासणीनंतर पात्र झालेल्यांना २०% स्कीममधील अर्जदारांना १५ फेब्रूवारीनंतर ईमेलद्वारे देकारपत्र देण्यात येणार आहे.

अर्जदारांची संख्या पाहता गृहनिर्माण व क्षेत्रविकास मंडळाने मुख्याधिकारी श्री. नितीन माने साहेब यांच्या मार्गदर्शनाखाली ८ तपास पथकांची नेमणूक केली आहे. पुण्यात प्रथमच म्हाडाच्या घरांसाठी मंडळाकडून हा अभिनव उपक्रम राबवण्यात येत आहे. घर मिळालेल्या अर्जदारांची गैरसोय होऊ नये म्हणून एकाच ठिकाणी कागदपत्रांची तपासणी होणार आहे. याचा सर्व अर्जदारांनी लाभ घ्यावा. असं आव्हान म्हाडाचे मिळकत व्यवस्थापक विजय ठाकुर यांनी केले आहे.

म्हत्त्वाच्या बातम्या
उद्योगपती असावा तर असा! कर्मचाऱ्यांच्या आईवडिलांना पेन्शन, मुलांना शिष्यवृत्ती आणि पत्नींना वेतन
मराठमोळा दिग्दर्शक सचिनवर भडकला; ‘माझ्यासाठी क्रिकेटचा देव होता पण…..’
“त्यावेळी तुम्हाला कुणी थांबवलं होतं का?”; अजित पवारांचा सेलिब्रिटींना सवाल
“त्यावेळी तुम्हाला कुणी थांबवलं होतं का?”; अजित पवारांचा सेलिब्रिटींना सवाल

 

 

 

Comments are closed, but trackbacks and pingbacks are open.