Sushma Andhare on Ashish Shelar: “शेलारजी फार डिंग्या मारू नका, बेस्ट निवडणुकीतही तुम्ही तीर मारले नाहीत. तुम्हाला नवख्या आघाडीने चारी मुंड्याचीत केलं, तेव्हा गपगार गोधडीत पडा”; सुषमा अंधारे कडाडल्या

by

Sushma Andhare on Ashish Shelar :  मुंबई (Mumbai city) येथील बेस्ट पतपेढी निवडणुकीत आश्चर्यकारक निकाल लागल्यानंतर राजकीय वाद पुन्हा पेटला आहे. शशांक राव (Shashank Rao panel) यांच्या पॅनलने तब्बल 14 जागांवर विजय मिळवत वर्चस्व गाजवलं, तर आमदार प्रसाद लाड (Prasad Lad MLA) यांच्या पॅनलला केवळ 7 जागा मिळाल्या. ठाकरे बंधूंच्या उत्कर्ष पॅनलला (Thackeray brothers panel) यंदा एकही जागा मिळाली नाही. या पराभवानंतर भाजपकडून (BJP party) उद्धव ठाकरे यांच्या ब्रँडवर टीका करण्यात आली. मात्र, त्यावर शिवसेना उद्धव गटाच्या उपनेत्या सुषमा अंधारे (Sushma Andhare) यांनी आशिष शेलार (Ashish Shelar) यांना चोख प्रत्युत्तर दिलं.

“शेलारजी फार डिंग्या मारू नका”

सुषमा अंधारे यांनी ट्विटरवरून शेलारांना थेट लक्ष्य करत म्हटलं, “शेलारजी फार डिंग्या मारू नका. बॅलेटवर निवडणुका घेतल्या की तुम्ही कायम पराभूत होता. शिक्षक, पदवीधर आणि सिनेट निवडणुकीत आम्ही तुम्हाला धोबीपछाड दिली आहे. कालच्या बेस्ट निवडणुकीतही तुम्ही तीर मारू शकलात नाही. नवख्या आघाडीने तुम्हाला चारी मुंड्याचीत केलं आहे. त्यामुळे शांत बसा आणि गोधडीत पडा.”

आशिष शेलारांचे प्रत्युत्तर

शेलार यांनी आधीच ट्विट करत भाजपच्या भूमिकेचं समर्थन केलं होतं. त्यांनी लिहिलं, “बेस्ट पतपेढीच्या निकालाने मुंबईकर जिंकले, कामगार जिंकले. कामगारांनी भाजपाला शुभसंकेत दिला आहे. ‘पत’ आणि ‘पेढी’साठी झगडणाऱ्यांना मोठा भोपळा मिळाला. प्रसाद लाड आणि शशांक राव यांच्या विजयामुळे स्पष्ट झालं की मुंबईकर आमच्यासोबत आहेत. बॅलेट पेपरवर झालेल्या या निवडणुकीत आम्हाला विजय मिळाला आहे, हा भविष्यासाठी शुभसंकेत आहे.”

शेलारांनी यामध्ये विरोधकांवर ताशेरे ओढत, “मतचोरीचे आरोप करणारे तथाकथित विश्लेषक आणि प्रवक्ते आता उघडे झाले आहेत,” असं म्हटलं होतं.

शशांक राव पॅनलच्या विजयामागचं कारण

शशांक राव यांच्या पॅनलने सलग विजय मिळवण्यामागे कामगार संघटनांशी असलेले दृढ संबंध, चळवळींमधील सक्रिय सहभाग आणि बेस्ट कर्मचाऱ्यांचे प्रश्न सातत्याने मांडणं ही मुख्य कारणं मानली जात आहेत. शिवाय, बेस्टमधील बहुतांश कर्मचारी मराठी असल्याने ठाकरे कुटुंबाशी (Thackeray family) त्यांचं जवळचं नातं आहे. मात्र, यंदा अतिआत्मविश्वासामुळे ठाकरे गटाला अपेक्षित निकाल लागला नाही, असं बोललं जात आहे.