Suraj Chavan : बिग बॉस मराठीच्या विजेतेपदानंतर सतत चर्चेत राहिलेला सूरज चव्हाण (Suraj Chavan Four Words) सध्या त्याच्या नवीन घरामुळे पुन्हा एकदा चर्चेच्या केंद्रस्थानी आला आहे. बारामतीच्या (Baramati Town India) या तरुणानं नुकताच आपल्या स्वप्नातील घरात गृहप्रवेश केला असून, या आनंदाच्या क्षणी त्यानं अजित पवार (Ajit Pawar Deputy CM) यांचे विशेष आभार व्यक्त केले आहेत. त्याने शेअर केलेल्या पोस्टमध्ये, ‘माझ्यासारख्या गोरगरीब तरुणांच्या पाठीशी आपण नेहमी उभे राहता,’ अशा शब्दांत त्यानं कृतज्ञता दर्शवली.

सूरजने काही महिन्यांपूर्वी उपमुख्यमंत्र्यांची भेट घेतल्यानंतर त्यांना घर बांधून देण्याचं आश्वासन मिळालं होतं. मोढवे (Modhve Village Pune) गावात केवळ दीड वर्षांत बांधून तयार झालेल्या या घरामुळे सूरजच्या आयुष्यात मोठा बदल घडला आहे. लहानपणी पत्र्याच्या घरात वाढलेला सूरज आता आधुनिक आणि प्रशस्त बंगल्यात राहायला आल्याने त्याच्या आनंदाला पारावर राहिलेला नाही.

काय म्हणाला सूरज चव्हाण 

गृहप्रवेशाच्या व्हिडिओत सूरजनं आधी साधं कॅप्शन दिलं होतं; मात्र नंतर ते एडिट करून अजित पवारांना मनःपूर्वक धन्यवाद दिले. “आज माझ्या नवीन घरात गृहप्रवेश केला. आदरणीय दादांसारख्या नेत्यामुळे माझ्यासारख्या साध्या तरुणाला हक्काचं घर मिळालं. आपण नेहमी गरजूंच्या मदतीला धावून येता. पुढेही अनेकांच्या पाठीशी उभे राहाल, अशी मला खात्री आहे,” अशा शब्दांत त्यानं भावना व्यक्त केल्या.

सूरजच्या पोस्टनंतर अजित पवारांनीही प्रतिक्रिया देत त्याला नवीन आयुष्याबद्दल शुभेच्छा दिल्या. “सूरज, नवीन घर आणि पुढच्या प्रवासासाठी तुला मनापासून शुभेच्छा,” असं त्यांनी लिहिलं.

नेटकऱ्यांना भुरळ घालणारी झलक

सूरजने नवीन बंगल्याचा व्हिडिओ पोस्ट केल्यापासून नेटकरी अक्षरशः कौतुकाचा वर्षाव करत आहेत. आधुनिक डिझाइन, प्रशस्त जागा आणि आकर्षक इंटिरिअर यामुळे हा बंगला पाहणाऱ्यांना थक्क करणारा आहे. याचाच परिणाम म्हणून काही तासांतच या व्हिडिओला मोठ्या प्रमाणात लाइक्स आणि कमेंट्स मिळाल्या.