Smita Patil : अभिनेत्री स्मिता पाटील इंडस्ट्रीतील एक प्रतिभावान आणि आकर्षक अभिनेत्री म्हणून ओळखल्या जात होत्या. त्यांचा अभिनय मराठी चित्रपटसृष्टीपासून बॉलिवूडपर्यंत पसरला होता. मात्र, अत्यंत लहान वयात त्यांनी या जगाचा निरोप घेतला. स्मिता पाटील यांनी त्यांच्या अंतिम काळात खूप दुख सहन केले. त्यांची तब्येत खूप खराब होती.
१३ डिसेंबर १९८६ रोजी वयाच्या ३१ व्या वर्षी त्यांचे निधन झाले. मृत्यूपूर्वी फक्त १५ दिवसांपूर्वीच त्यांनी पुत्र प्रतीक बब्बरला जन्म दिला होता. पण मुलाच्या जन्मावेळी अनेक मेडिकल कॉम्प्लिकेशन्स आल्या होत्या. १२ डिसेंबरला स्मिता पाटील यांच्या तब्येतीत अचानक बिघाड झाला, त्यांचा चेहरा पिवळा पडला आणि त्यांना उलट्या होत होत्या. त्यांना तातडीने रुग्णालयात नेण्यात आले, पण त्यांची स्थिती नाजूक झाली आणि ते कोमात गेले. १३ डिसेंबर रोजी त्यांनी या जगाचा निरोप घेतला.
स्मिता पाटील यांची अंतिम इच्छा अशी होती की, त्यांचे अंत्यसंस्कार वधूसारखे केले जावेत. त्यांची ही इच्छा त्यांच्या मृत्यूनंतर पूर्ण करण्यात आली आणि त्यांना वधूसारखे सजवून त्यांचे अंतिम संस्कार केले गेले.
स्मिता आणि राज बब्बर यांचे प्रेमकथेचे पाढे
स्मिता पाटील आणि राज बब्बर यांच्या प्रेमकहाणीला खूप प्रसिद्धी मिळाली होती. १९८५ मध्ये स्मिता आणि राज यांचे लग्न झाले. राज बब्बर आधीच विवाहित होते आणि त्यांना दोन मुलेही होती. परंतु, राज यांनी स्मितासाठी त्यांच्या पहिल्या पत्नी नादिराला सोडले. या नात्यावर स्मिताचे पालक समाधानी नव्हते. परंतु स्मिता पाटील यांच्या मृत्यूनंतर, राज बब्बर पुन्हा त्यांच्या पहिल्या पत्नी नादिराकडे परत गेले.
स्मिता पाटील – बोलक्या डोळ्यांची अभिनेत्री
राज आणि स्मिता यांचा मुलगा प्रतीक बब्बर आज फिल्म इंडस्ट्रीत सक्रिय आहे. त्याने नुकतेच प्रिया बॅनर्जीशी विवाह केला. या लग्नात राज बब्बर उपस्थित नव्हते, आणि त्यांच्या नात्यात तणाव असल्याचे सांगितले जात आहे. प्रतीक बब्बरने नुकतेच त्याचे आडनाव बदलून ‘प्रतीक स्मिता पाटील’ असे ठेवले आहे.
