हे तर अजबच राजकारण! पत्नी झाली महापौर तर पती विरोधी पक्षनेता

जळगाव येथील महापालिकेच्या महापौर निवडीत शिवसेनेने अडीच वर्षातून सत्ता खेचून आणली आहे. आता शिवसेनेने महापालिकेवर भगवा फडकवला आहे. यामध्ये शिवसेनेने सांगली महापालिकेचा पॅटर्न वापरला होता.

पण राज्याच्या राजकारणाच्या इतिहासात पहिल्यांदाच एक मोठी घडामोड घडली आहे. कारण महापालिकेचे महापौरपद ज्या महिलेकडे आले आहे तिचा नवरा विरोधी पक्षनेता आहे. पहिल्यांदाच असा योगायोग जुळून आला आहे.

भाजपच्या २७ बंडखोर नगरसेवकांच्या जोरावर शिवसेनेच्या जयश्री महाजन महापौर झाल्या आहेत. तर दुसरीकडे त्यांचे पती सुनील महाजन हे विरोधी पक्षनेते आहेत. जळगाव महापालिकेच्या २०१८ मध्ये निवडणूक जिंकून भाजपने ७५ पैकी ५७ जांगावर एकहाती सत्ता मिळवली होती.

या निवडणुकीत शिवसेनेला फक्त १५ जागा मिळाल्या होत्या. विरोधी पक्षनेत्याची भुमिका शिवसेनेचे सुनील महाजन हे पार पाडत आहेत. बंडखोर नगरसेवकांना अजूनही स्वतंत्र गट तयार करता आला नाही. त्यामुळे विरोधी पक्षनेते हे पद शिवसेनेकडेच राहिले आहे.

दरम्यान जनतेचे प्रश्न सोडविण्यासाठी आम्हाला कोणत्याही पदाची गरज नाही. महपौर शिवसेनेचा असला तर आम्ही विरोधातच राहू, चुकीच्या कामांना महासभेत विरोध केला जाईल, अशी भुमिका भाजपचे गटनेते भगत बालानी यांनी घेतली आहे.

महत्वाच्या बातम्या
राष्ट्रवादीने फडणवीसांनाच घेरले; जप्त केलेली ती गाडी फडणवीसांच्या जवळच्या व्यक्तीची
खुशखबर! पेट्रोल-डिझेल होणार स्वस्त, मोदी सरकारचे मोठे संकेत
प्रसिद्ध कृष्णाने जिंकवली मॅच; पदार्पणातच ४ बळी घेत मोडले इंग्लंडचे कंबरडे

Comments are closed, but trackbacks and pingbacks are open.