Sudhir Dalvi  : ‘शिर्डी के साईं बाबा’ (Shirdi Ke Sai Baba) या मालिकेमधील प्रसिद्ध अभिनेता सुधीर दळवी (Sudhir Dalvi Actor) यांची प्रकृती गंभीर असून, त्यांनी बऱ्याच काळापासून गंभीर आजाराशी झुंज दिली आहे. 1977 मध्ये आलेल्या मालिकेत साईं बाबांची भूमिका साकारून घराघरात प्रसिद्ध झालेले सुधीर दळवी (Sudhir Dalvi Actor) सध्या उपचारासाठी आर्थिक मदतीची गरज भासत आहे. काही दिवसांपूर्वीच त्यांच्या कुटुंबीयांनी चाहत्यांकडे मदतीसाठी विनंती केली होती.

याच पार्श्वभूमीवर, शिर्डी साईं बाबा संस्थान ट्रस्ट (Shri Saibaba Sansthan Trust Shirdi) पुढे आले असून, मुंबई उच्च न्यायालयाने त्यांच्या उपचारांसाठी ११ लाख रुपये देण्याची परवानगी दिली आहे. सुधीर दळवी सध्या मुंबईतील लीलावती रुग्णालयात उपचार घेत आहेत, आणि त्यांच्या कुटुंबाने आधीच १५ लाख रुपयांची आर्थिक मदत मागितली होती. ट्रस्टच्या या मदतीने त्यांचे उपचार सुरळीत चालू राहतील.

उच्च न्यायालयाची परवानगी आणि ट्रस्टची भूमिका

सुधीर दळवी यांच्या उपचारांसाठी निधी देण्याची याचिका शिर्डी ट्रस्टकडून उच्च न्यायालयात सादर करण्यात आली होती. न्यायमूर्ती विभा कंकणवाडी (Vibha Kankanwadi Judge) आणि हितेन एस. वेणेगावकर (Hiten S. Venegavkar Judge) यांच्या खंडपीठाने ट्रस्टला ११ लाख रुपये उपचारासाठी खर्च करण्यास परवानगी दिली. न्यायालयाने म्हटले की, लोकांची आस्था आणि दिग्गज अभिनेते सुधीर दळवी (Sudhir Dalvi Actor) यांनी साकारलेली भूमिका लक्षात घेता, ट्रस्टला आर्थिक मदत देण्याची परवानगी आहे.

सुधीर दळवी यांच्या पत्नीने स्पष्ट केले की, ते अंथरुणावर खिळलेले आहेत आणि दोन केअरटेकर व एका फिजियोथेरपिस्टच्या मदतीने त्यांची काळजी घेतली जात आहे. त्यांच्या उपचारांसाठी मोठ्या प्रमाणात खर्च होत असल्याने कुटुंब आर्थिकदृष्ट्या कोलमडलं आहे. ट्रस्टच्या ११ लाख रुपयांच्या मदतीमुळे उपचार सुरळीत चालतील, अशी अपेक्षा आहे.

सुधीर दळवी यांची कारकीर्द खूपच समृद्ध आहे. त्यांनी टीव्ही मालिकांमध्ये महर्षी वशिष्ठ (‘रामायण’), ‘बुनियाद’, ‘भारत एक खोज’, ‘मिर्झा गालिब’, ‘चाणक्य’ यांसारख्या शोमध्ये भूमिका साकारल्या. ‘शिर्डी के साईं बाबा’ मधील साई बाबांची भूमिका त्यांना सर्वत्र प्रिय बनवणारी ठरली. त्यांच्या अभिनयामुळे त्यांनी अनेक चाहत्यांचे मन जिंकले आहे.