Sharad Pawar : भारत आणि पाकिस्तान यांच्यातील वाढत्या संघर्षाच्या पार्श्वभूमीवर देशांत आणि आंतरराष्ट्रीय पातळीवर चिंता व्यक्त केली जात असताना, *राष्ट्रवादी काँग्रेस शरदचंद्र पवार गटाचे अध्यक्ष आणि माजी केंद्रीय मंत्री शरद पवार यांनी केलेल्या वक्तव्याने नव्या चर्चेला तोंड फोडलं आहे.*
बारामतीत आयोजित एका पत्रकार परिषदेत भारत-पाकिस्तान तणावाबद्दल विचारण्यात आलं असता शरद पवार म्हणाले, “बोलायचं नसतं, डायरेक्ट ॲक्शन घ्यायची असते.” हे वक्तव्य सध्या सोशल मीडियावर आणि राजकीय वर्तुळात मोठ्या प्रमाणात चर्चेत आहे. दोन्ही देशांत सुरू असलेल्या संघर्षाच्या स्थितीत पवार यांचं हे स्पष्ट आणि थेट मत लक्षवेधी ठरत आहे.
पाकिस्तानकडून वारंवार कुरापती, भारताकडून ‘ऑपरेशन सिंदूर’*
पाकिस्तानने मागील काही दिवसांपासून ड्रोन आणि क्षेपणास्त्रांद्वारे भारताच्या सीमावर्ती भागांवर हल्ले करण्याचे प्रकार वाढवले आहेत. जम्मू-कश्मीर, पंजाब, राजस्थान आणि गुजरातमध्ये पाकिस्तानकडून वारंवार उद्दिष्ट साधत आक्रमक हालचाली केल्या जात आहेत. त्याला प्रत्युत्तर म्हणून *भारतीय लष्कर आणि वायूदलाने ‘ऑपरेशन सिंदूर’ अंतर्गत पाकिस्तानातील अनेक महत्त्वाच्या लष्करी तळांवर हल्ले चढवले.*
शनिवारी सकाळी भारतीय लढाऊ विमानांनी पाकिस्तानच्या हवाई हद्दीत प्रवेश करून *रावळपिंडीजवळील नूर खान हवाई तळ, तसेच मुरीद आणि सुकूर हवाई तळांवर अचूक क्षेपणास्त्र हल्ले केले.* या कारवाईमुळे पाकिस्तानच्या हवाई संरक्षण प्रणालीला मोठा झटका बसल्याची माहिती संरक्षण अधिकाऱ्यांनी दिली आहे.
शरद पवारांकडून केंद्र सरकार आणि लष्कराचं कौतुक*
तणावाच्या या पार्श्वभूमीवर शरद पवार यांनी *पंतप्रधान नरेंद्र मोदी आणि संरक्षणमंत्री राजनाथ सिंह यांच्याशी संवाद साधून भारतीय लष्कराच्या धाडसी कारवाईचं कौतुक केलं.* त्यांनी ट्विट करत म्हटलं की, “भारतीय सशस्त्र दलांच्या कारवाईमुळे संपूर्ण देशाचा आत्मविश्वास वाढला आहे. अशा कठीण प्रसंगी केंद्र सरकारला आमचा पूर्ण पाठिंबा आहे.”
आंतरराष्ट्रीय समुदायाकडून संयमाचे आवाहन*
भारत आणि पाकिस्तान यांच्यातील वाढता तणाव पाहता *संयुक्त राष्ट्र, अमेरिका, युरोपियन संघ आणि इतर आंतरराष्ट्रीय संघटनांकडून दोन्ही देशांनी संयम पाळण्याचं आवाहन केलं आहे.* मात्र शरद पवार यांचं वक्तव्य ‘संयमाच्या’ ऐवजी ठोस कारवाईची गरज अधोरेखित करत असल्याचं जाणकारांचं म्हणणं आहे.
शरद पवार यांचं वक्तव्य आणि केंद्र सरकारच्या निर्णयांना मिळालेला विरोधी पक्षांचा पाठिंबा हे दर्शवतं की *देशाच्या सुरक्षेच्या बाबतीत राजकारण बाजूला ठेवून एकत्र येण्याची गरज देशाने ओळखली आहे.* भारत-पाकिस्तानमधील तणावात आता केवळ शब्द नव्हे, तर कृतीवर भर दिला जात असून, आगामी काळात ही परिस्थिती अधिक गंभीर वळण घेण्याची शक्यता नाकारता येत नाही.
sharad-pawars-statement-on-india-pakistan-war
