आता सातबारा उताऱ्यावर तलाठ्याच्या सहीची गरज नाही; जाणून घ्या सरकारचा नवा नियम

मुंबई | सातबारा संबधीत एक दिलासादायक बातमी समोर आली आहे. डिजिटल सही असलेला ऑनलाईन सातबारा, गाव नमुना ८ अ व गाव नमुना नंबर ६ इ. अभिलेखास कायदेशीर मान्यता मिळाली आहे. त्यामुळे नागरिकांची गैरसोय होणार नाही आणि घरबसल्या सगळी कामे होतील.

डिजिटल सही असलेला डेटाबेसवर आधारित ऑनलाईन सातबारा, गाव नमुना नंबर ८ अ तसेच गाव नमुना नंबर ६ वर तलाठी अथवा अन्य कोणत्याही अधिकाऱ्यांची स्वाक्षरी असण्याची आवश्यकता नाही. राज्यातील जिल्हाधिकारी क्षेत्रीय महसुली अधिकाऱ्यांना तातडीने अंमलबजावणी करण्याचे आदेश शासनाच्या महसूल व वन विभागाने दिले आहेत.

ही सर्व माहिती महसूल व वन विभागाच्या पत्रकात सांगण्यात आली आहे. यासंदर्भात जिल्ह्यातील क्षेत्रीय संबंधित अधिकाऱ्यांना निर्देश दिले आहेत की, शासनाच्या परिपत्रकानुसार डिजिटल डेटाबेसवर आधारित ऑनलाईन सातबारा, गाव नमुना नंबर ८ अ तसेच गाव नमुना नंबर ६ इत्यादी अधिकार अभिलेखास कायदेशीर परवानगी देण्यात यावी.

महाराष्ट्र शासनाच्या महाभूमी पोर्टलवर उपलब्ध होणारे QR कोड व १६ अंकी तपासणी क्रमांक असलेले ऑनलाईन सही असलेल्या डेटाबेसवर आधारित ऑनलाईन गाव नमुना नंबर सातबारा, गाव नमुना नंबर ८ अ तसेच गाव नमुना नंबर ६ इत्यादी नमुन्यांचा अधिकार अभिलेख विषयक उतारा कायदेशीर व शासकीय, निमशासकीय सर्व कामांसाठी चालणार आहे.

महत्त्वाच्या बातम्या-

चांगल्या क्वालिटीचे जॅकेट ते ही एक हजारपेक्षा कमी किंमतीत, जाणून घ्या कुठे मिळतायत

बी ग्रेड चित्रपटांमध्ये काम करणारे शेखर सुमन कसे झाले टेलिव्हिजनवरचे कॉमेडी किंग

 

Comments are closed, but trackbacks and pingbacks are open.