roshan-singh-sodhi-in-TMKOC – ‘तारक मेहता का उल्टा चष्मा'((Taarak Mehta Ka Ooltah Chashmah) ) हा टीव्ही जगतातील सर्वात जास्त काळ चालणाऱ्या शोपैकी एक आहे. ही कॉमेडी मालिका जवळपास १४ वर्षांपासून लोकांचे मनोरंजन करत आहे. शोची स्टारकास्ट भलेही लांब असेल पण लोकांना प्रत्येक पात्र खूप आवडते. या शोमध्ये सुरुवातीपासून काम करणाऱ्या कलाकारांपासून ते या शोला अलविदा करणाऱ्या कलाकारांनीही चाहत्यांच्या मनात घर केले आहे.
तुम्हाला या शोमधील प्रत्येक पात्राबद्दल माहिती असेल पण रोशन सिंग सोधीच्या खऱ्या आयुष्याबद्दल तुम्हाला माहिती आहे का? ‘तारक मेहता का उल्टा चष्मा’ या शोमध्ये नेहमी पार्टीसाठी तयार असणारा आणि पत्नीवर प्रेम करणाऱ्या रोशन सिंग सोढीचे खरे नाव गुरचरण सिंग आहे. गुरचरण सिंग यांनी आपल्या मस्त शैलीने शोमध्ये एक आनंद ओतला होता.
आज भलेही तो या शोचा भाग नसला तरी जेव्हा जेव्हा रोशन सिंग सोढीचा विषय येतो तेव्हा गुरचरण सिंगचा चेहरा सर्वात आधी येतो. पण आयुष्यात इतकं काही मिळवण्याआधी गुरुचरण सिंग खूप अडचणीत होते. त्यांना मजबुरीने मुंबईत यावे लागले.
एकेकाळी रोशन सिंग सोढीची भूमिका साकारणाऱ्या गुरुचरण सिंह यांनी त्यांच्या एका लाइव्ह व्हिडिओमध्ये सांगितले होते की, ते अशा वेळी मुंबईत आले होते जेव्हा त्यांच्यावर खूप कर्ज होते. पैसे मागण्यासाठी लोक त्याच्या मागे लागले होते. गुरचरण सिंग यांना कुठूनही आशा न मिळाल्याने ते मुंबईला गेले आणि सहा महिन्यांतच त्यांना ‘तारक मेहता का उल्टा चष्मा’मध्ये भूमिका मिळाली.
गुरचरण सिंग हे शोच्या सुरुवातीपासूनच शोचा एक भाग होते. त्यांनी २०१३ मध्ये शो सोडला पण लोकांच्या मागणीमुळे त्यांना २०१४ मध्ये परत यावे लागले. पण सहा वर्षे काम केल्यानंतर त्याने २०२० मध्ये पुन्हा एकदा या शोचा निरोप घेतला. यावेळी त्याच्या जागी रोशन सिंग सोधीची भूमिका साकारणाऱ्या बलविंदर सिंग सूरीला घेण्यात आले.
महत्वाच्या बातम्या
तारक मेहता का उल्टा चष्मामध्ये दयाबेनचे पुनरागमन, या अभिनेत्रीच्या नावावर शिक्कामोर्तब
तारक मेहता का उलटा चष्मामध्ये नवीन दयाबेनची एन्ट्री, ही अभिनेत्री साकारणार भूमिका, पहा फोटो
तर मग हा शो बंद करून, तारक मेहता मालिकेच्या निर्मात्यांवर चाहते संतापले