इंडियन प्रीमियर लीग (IPL) मध्ये शुक्रवारी राजस्थान रॉयल्स (RR) आणि दिल्ली कॅपिटल्स (DC) यांच्यातील सामन्यात ‘नो बॉल’वरून वाद सुरू झाला. या वादानंतर सहाय्यक प्रशिक्षक प्रवीण अमरेसह दिल्ली कॅपिटल्सच्या खेळाडूंवर कारवाई करण्यात आली आणि दंड ठोठावण्यात आला.(rishabh-pant-and-shardul-thakur-hit-hard-after-no-ball-dispute)
दिल्ली कॅपिटल्सचा कर्णधार ऋषभ पंत(Rishabh Pant) आणि वेगवान गोलंदाज शार्दुल ठाकूर(Shardul Thakur) वर राजस्थान रॉयल्सकडून १५ धावांनी पराभूत होण्याच्या वेळेस आईपीएल आचारसंहितेचा भंग केल्यामुळे शनिवारी दंड ठोठावण्यात आला, तर सहाय्यक प्रशिक्षक प्रवीण अमरे (Praveen Amare) यांच्यावर एका सामन्याची बंदी घालण्यात आली.
इंडियन प्रीमियर लीगने एका निवेदनात म्हटले आहे की पंत आणि अमरे यांना त्यांच्या संपूर्ण मॅच फीचा दंड ठोठावण्यात आला आहे तर ठाकूर यांना त्यांच्या मॅच फीच्या ५० टक्के दंड ठोठावण्यात आला आहे. अमरेवरही एका सामन्याची बंदी घालण्यात आली आहे.
राजस्थानने शुक्रवारी दिल्लीवर १५ धावांनी विजय मिळवला तेव्हा ही घटना घडली जेव्हा रोवमैन पॉवेलने शेवटच्या षटकात ओबेड मॅककॉयच्या तिसऱ्या चेंडूवर षटकार ठोकला. दिल्लीचा संघ नो-बॉलची मागणी करत होता.
नॉन-स्ट्रायकरच्या टोकाला उभ्या असलेल्या कुलदीप यादवने अंपायरकडे बोट दाखवून शेवटच्या चेंडूचा रिप्ले पाहण्यास सांगितले कारण तो कमरेच्या वर असता तर तो नो-बॉल होऊ शकला असता.
पॉवेलनेही पंचांशी बोलण्यास सुरुवात केली पण मैदानावरील पंचांनी चेंडू वैध असल्याचे सांगितले. त्यानंतर पंतने पॉवेल आणि कुलदीपला परतण्यास सांगितले. दरम्यान, दिल्लीचे सहाय्यक प्रशिक्षक प्रवीण अमरे मैदानाकडे रवाना झाले. पंतने आयपीएल आचारसंहितेच्या कलम २.७ अंतर्गत लेव्हल २ च्या गुन्हा स्वीकार केला आणि त्त्याला दंडही मंजूर आहे.
ठाकूर यांनी आयपीएल आचारसंहितेच्या कलम २.८ च्या लेव्हल 2 चा गुन्हा आणि दंड देखील मान्य केला. अमरे यांच्यावर एका सामन्याची बंदी घालण्यात आली होती. त्याने आयपीएल आचारसंहितेच्या कलम २.२ अन्वये लेव्हल टू गुन्हाही स्वीकारला आणि दंड स्वीकार केला.
