Birdev Dhone : मेंढपाळाच्या घरात जन्मलेल्या आणि आपल्या जिद्दीच्या जोरावर आयपीएस अधिकारी बनलेल्या बिरदेव ढोणे याची सध्या सोशल मीडियावर चांगलीच चर्चा आहे. ‘अन् मेंढपाळाचं पोरगं अधिकारी झालं’ असे व्हिडिओ व्हायरल होत असताना, बिरदेवचं एक वेगळंच आवाहन लोकांच्या मनाला भिडतंय – “बुके नकोत, बुकं द्या!”
बुके नको, बुकं द्या – वाचनालयासाठी पुढाकार
बिरदेव ढोणे(Birdev Dhone) सध्या अनेक सत्कार समारंभांमध्ये सहभागी होत आहे. मात्र या सत्कारांमध्ये त्याने एक आगळंवेगळं आवाहन केलं – “माझ्या स्वागतासाठी फुलांचे बुके न आणता पुस्तकं आणा.” त्याचं स्वप्न आहे की गावात अभ्यास करणाऱ्या विद्यार्थ्यांसाठी एक वाचनालय तयार करावं. यासाठीच तो पुस्तकं संकलित करत आहे.
जान्हवी कपूरचा मित्र शिखर पहारियाचाही पुढाकार
या प्रेरणादायी उपक्रमाला अभिनेत्री जान्हवी कपूरचा मित्र शिखर पहारिया यानेही भरभरून प्रतिसाद दिला. त्याच्या संस्थेच्या वतीने बिरदेवच्या(Birdev Dhone) गावी तब्बल १००० पुस्तकांची भेट पाठवण्यात आली. याचे फोटो आणि व्हिडिओ सोशल मीडियावर मोठ्या प्रमाणावर व्हायरल होत आहेत.
बिरदेव ढोणेंचा संघर्षमय आणि प्रेरणादायी प्रवास
कोल्हापूर जिल्ह्यातील यमगे गावातील बिरदेव ढोणे(Birdev Dhone) यांचा प्रवास खडतर असला, तरी यशस्वी ठरला. दहावीत ९६% आणि बारावीला ८९% गुण मिळवत त्यांनी शिक्षणात आपली गुणवत्ता सिद्ध केली. त्यानंतर पुण्यातील सीओईपीमधून इंजिनिअरिंग केलं आणि त्यानंतर यूपीएससीच्या प्रवासाला सुरुवात केली.
आज बिरदेव यशाच्या शिखरावर पोहोचला असला, तरी तो आपल्या मुळाशी नातं जोडून आहे. तो म्हणतो, “मी करू शकलो तर, इतरही करू शकतात.” त्याच्या या विचारांनी अनेक तरुणांना प्रेरणा मिळत आहे.
सत्काराचा नवा दृष्टिकोन
बिरदेव ढोणेंनी दाखवलेली विचारसंपन्नता आणि सामाजिक भान यामुळे त्यांच्या यशाला एक वेगळीच छटा मिळते. फुलांचे गुच्छ नकोत, ज्ञानाची देणगी द्या – असं म्हणत त्यांनी समाजाला नवा विचार दिला आहे.
responding-to-birdev-dhones-appeal-the-famous-actresss-boyfriend-sent-1000-books
