सामन्याच्या एक दिवस आधी अष्टपैलू रवींद्र जडेजाची अचानक संघात एन्ट्री, कर्णधारपदही मिळाले, जाणून घ्या संपूर्ण प्रकरण

रवींद्र जडेजा पुन्हा मैदानात उतरण्यासाठी सज्ज झाला आहे. ऑस्ट्रेलियाविरुद्धच्या पहिल्या 2 कसोटी सामन्यांसाठी बीसीसीआयने नुकताच संघ जाहीर केला. जडेजालाही या मालिकेसाठी संघात स्थान मिळाले आहे. मात्र, त्याआधी त्याला त्याचा फिटनेस सिद्ध करायचा आहे.

९ फेब्रुवारीपासून कसोटी मालिका सुरू होणार आहे. भारताचा अष्टपैलू खेळाडू जडेजा कसोटी मालिकेपूर्वी तंदुरुस्त होण्यासाठी उद्यापासून रणजी ट्रॉफी सामना खेळण्यास सुरुवात करणार आहे. त्याला सौराष्ट्र संघाचा कर्णधार बनवण्यात आले आहे.

चेन्नईतील चेपॉक येथील एमए चिदंबरम स्टेडियमवर तामिळनाडू विरुद्ध 4 दिवसीय सामना रंगणार आहे. स्पोर्टस्टारच्या बातमीनुसार, रवींद्र जडेजा या सामन्यात कर्णधार म्हणून खेळणार आहे. ऑस्ट्रेलियाविरुद्धच्या मालिकेसाठी नियमित कर्णधार जयदेव उनाडकटला विश्रांती देण्यात आली आहे.

जडेजासोबत ज्युनियर जडेजा म्हणजेच धर्मेंद्रसिंह जडेजाही खेळताना दिसतो. डावखुरा फिरकी गोलंदाज धर्मेंद्र सिंगने आतापर्यंत 6 सामन्यात 23 बळी घेतले आहेत. याशिवाय फलंदाजीतही तो यशस्वी ठरला आहे.

सौराष्ट्रचा अनुभवी फलंदाज चेतेश्वर पुजारालाही मंगळवारपासून तामिळनाडूविरुद्धच्या सामन्यातून विश्रांती देण्यात आली आहे. ऑस्ट्रेलियाविरुद्धच्या मालिकेसाठीही पुजाराची निवड झाली आहे. जडेजाने सप्टेंबर 2022 पासून एकही सामना खेळलेला नाही.

दुखापतीमुळे तो T20 विश्वचषकातही प्रवेश करू शकला नाही. गेल्या सामन्यात सौराष्ट्रला आंध्र प्रदेशविरुद्ध पराभव पत्करावा लागला होता. तरीही संघाने टेबलमध्ये नंबर-1 वर कब्जा केला आहे.

34 वर्षीय रवींद्र जडेजाचा प्रथम श्रेणी क्रिकेटमधील रेकॉर्ड उत्कृष्ट आहे. त्याने आतापर्यंत 114 सामन्यात 47 च्या सरासरीने 6579 धावा केल्या आहेत. त्याने 12 शतके आणि 34 अर्धशतके ठोकली आहेत. 331 धावांची जबरदस्त इनिंग खेळली आहे.

याशिवाय या डावखुऱ्या फिरकीपटूने 24 च्या सरासरीने 453 विकेट्सही घेतल्या आहेत. 31 धावांत 7 बळी ही सर्वोत्तम कामगिरी आहे. मात्र, त्याला तामिळनाडूच्या विजय शंकरचे आव्हान मिळाले आहे.

हार्दिक पांड्याच्या नेतृत्वाखालील आयपीएल संघात समावेश असलेल्या विजय शंकरने गेल्या तीन सामन्यांमध्ये शतके झळकावली आहेत. तामिळनाडूकडून खेळताना त्याने मुंबईविरुद्ध १०३, महाराष्ट्राविरुद्ध १०७ आणि आसामविरुद्ध ११२ धावा केल्या. तो डाव्या हाताने वेगवान गोलंदाजीही करतो.

महत्वाच्या बातम्या
रोहित-गिलच्या धडाक्यानंतर गोलंदाजांनी ओकली आग, किवींचा धुव्वा उडवत भारत बनला नंबर वन
आता राष्ट्रवादी टार्गेटवर! आव्हाडांच्या बालेकिल्ल्यातील २२ नगरसेवक शिंदे गटाच्या गळाला
द्रारिद्यात जन्मलेल्या धीरेंद्रशास्त्रींची संपत्ती किती आहे माहितीये का? महिन्याच्या कमाईचा आकडा ऐकून धक्का बसेल