राकेश झुनझुवालांच्या एअरलाइन्सला टक्कर देण्यासाठी रतन टाटांचा मेगा प्लॅन; घेतला मोठा निर्णय

प्रसिद्ध उद्योगपती रतन टाटा यांनी करोडोंच्या कर्जात बुडालेल्या सरकारी कंपनी एअर इंडियाला नुकतेच खरेदी केले आहे. त्यामुळे प्रक्रिया पुर्ण होऊन एअर इंडियाची कमान टाटा समुहाकडे डिसेंबरपर्यंत येईल, असे म्हटले जात आहे.

तसेच रतन टाटा आता एका मेगा प्लॅनवर काम करत असल्याचे म्हटले जात आहे. आताच्या घडीला टाटा समुहाकडे एअर एशिया, इंडिया आणि विस्तारा या कंपन्यांचा हिस्सा आहे. एअर एशियामध्ये टाटा समुहाचा तब्बल ८४ टक्के हिस्सा आहे.

आता टाटा समुह याच एअर एशियामधील आपला हिस्सा वाढवण्याचा विचार करत असल्याचे सांगण्यात येत आहे. टाटा समुह एअर एशिया इंडियामध्ये एअर इंडिय एक्सप्रेसचे विलीनीकरण करुन एकच कंपनी स्थापन करण्याच्या विचारात आहे.

टाटा समुहाकडे एअर एशिया इंडियाचा ८४ टक्के हिस्सा आहे. त्यामुळे एअर इंडियाचे विलीनीकरण करुन एकच कंपनी स्थापन करण्याचा अधिकार टाटाला प्राप्त आहे. तसेच टाटाने विस्तारा आणि एअर इंडियाच्या योग्य आणि नियोजनबद्ध वेळापत्राकासाठी सिंगापूर एअरलाइन्ससोबत चर्चा सुरु केली असल्याचेही म्हटले जात आहेय.

टाटा समुहाकडे विस्टारा एअरलाइन्सची ५१ टक्के हिस्सेदारी आहे. तर उरलेली हिस्सेदारी सिंगापूर एअरलाइन्सकडे आहे. मिळालेल्या माहितीनुसार टाटा समुहाला एअर एशिया आणि एअर इंडियाचे विलीणीकरण करणे अवघड जाणार नाही. यामुळे टाटा सन्सला एकाच कंपनीचे संचालन करावे लागेल. त्यानंतर पायाभूत सुविधांचा विकास, विस्तार करणे सुलभ होऊ शकणार आहे.

दरम्यान, आताच्या घडीला एअर इंडियावर ६१ हजार ५६२ कोटी रुपयांचे कर्ज आहे. यापैकी ७५ टक्के कर्ज टाटा समुहाकडे हस्तांतरण करण्यापूर्वी केंद्र सरकारच्या तिजोरीतून चुकते करण्यात येणार आहे. तर उर्वरित कर्ज टाटा समुह फेडणार आहे.

महत्वाच्या बातम्या-
अमरावती हिंसाचार प्रकरणी भाजप कार्यकर्त्यांना पकडल्याने फडणवीस आक्रमक; दिला ‘हा’ इशारा
गोखलेंना वाटलं त्यांना पण पद्मश्री भेटेल म्हणून त्यांनी कंगनाच्या वक्तव्याला समर्थन दिलं; थोरात स्पष्टच बोलले
विधान परिषदेचं तिकीट कापल्यामुळे पंकजा मुंडेंनी सर्वांसमोर व्यक्त केली मनातील खदखद; म्हणाल्या…

Comments are closed, but trackbacks and pingbacks are open.