Raj Thackeray : अंधेरी पूर्व विधानसभा पोटनिवडणुकीची तारीख जाहीर झाली आहे. या निवडणुकीसाठी शिवसेना उद्धव बाळासाहेब ठाकरे गटाकडून आमदार कै. रमेश लटके यांच्या पत्नी ऋतुजा लटके यांना उमेदवारी दिली आहे. तसेच भाजपकडून मुरजी पटेल यांना ही उमेदवारी देण्यात आली आहे.
त्यामुळे शिवसेना विरुद्ध भाजप असा हा सामना रंगणार आहे. याच पार्श्वभूमीवर मनसे अध्यक्ष राज ठाकरे यांनी उपमुख्यमंत्री देवेंद्र फडणवीस यांना एक पत्र लिहिले आहे. या पत्रात त्यांनी ही निवडणूक लढवू नये अशी विनंती केली आहे. या पत्राची राजकीय वर्तुळात चांगलीच चर्चा सुरु आहे.
आमदार कै. रमेश लटके ह्यांच्या दुर्दैवी निधनानंतर अंधेरी (पूर्व) विधानसभा पोट-निवडणुकीबाबत उपमुख्यमंत्री श्री. देवेंद्र फडणवीस ह्यांना नम्र आवाहन आणि महाराष्ट्र नवनिर्माण सेनेची धोरणात्मक भूमिका.@Dev_Fadnavis pic.twitter.com/78nfA21hDP
— Raj Thackeray (@RajThackeray) October 16, 2022
या पत्रात राज ठाकरेंनी लिहिले की, प्रिय मित्र देवेंद्र, सस्नेह जय महाराष्ट्र! एक विशेष विनंती करण्यासाठी हे पत्र आपणास लिहितो आहे. आमदार कै. रमेश लटके यांच्या दुर्दैवी निधनानंतर आज अंधेरी (पूर्व) ह्या विधानसभेच्या जागेसाठी पोट-निवडणूक जाहीर झाली आहे. तिथे त्यांच्या पत्नी ऋतुजा लटके ह्यांनी उमेदवारी अर्ज भरला आहे.
कै. रमेश एक चांगले कार्यकर्ते होते. अगदी शाखा प्रमुखापासून त्यांची वाटचाल सुरु झाली. त्यांच्या राजकीय प्रवासाचा मी एक साक्षीदार आहे. त्यांच्या निधनानंतर त्यांच्या पत्नीनं आमदार होण्यानं कै. रमेश ह्यांच्या आत्म्यास खरोखर शांती मिळेल. माझी विनंती आहे की भारतीय जनता पक्षानं ती निवडणूक लढवू नये आणि त्यांच्या पत्नी ऋतुजा लटके आमदार होतील हे पाहावं, असे ते म्हणाले आहेत.
राज ठाकरेंनी पुढे लिहिले की, मी आमच्या पक्षातर्फे अशा परिस्थितीत जेव्हा दिवंगत आमदाराच्या घरच्या व्यक्ती निवडणूक लढवतात तेव्हा शक्यतो निवडणूक न लढवण्याचं धोरण स्वीकारतो. तसं करण्याने आपण त्या दिवंगत लोकप्रतिनिधीला श्रद्धांजलीच अर्पण करतो अशी माझी भावना आहे. आपणही तसं करावं असं मला माझं मन सांगतं, असेही ते म्हणाले.
तसेच असं करणं हे आपल्या महाराष्ट्राच्या महान संस्कृतीशी सुसंगतही आहे, मला आशा आहे आपण माझ्या विनंतीचा स्वीकार कराल, असे राज ठाकरेंनी आपल्या पत्रात लिहिले आहे. या पत्राला उपमुख्यमंत्री देवेंद्र फडणवीस काय प्रतिक्रिया देतात याकडे सर्वांचे लक्ष लागले आहे.
महत्वाच्या बातम्या
Raj Thackeray : मोठी बातमी! अंधेरी पोटनिवडणूक लढवू नका, राज ठाकरेंचं फडणवीसांना पत्र; लटके बिनविरोध निवडून येणार?
politics : बावनकुळेंच्या ‘त्या’ वक्तव्याचा रुपाली पाटलांनी घेतला समाचार, म्हणाल्या, पुढच्या सात जन्मातही…
Uddhav Thackeray : मनोहर जोशींच्या खांद्यावर बंदूक ठेवून उद्धव ठाकरेंनी राज ठाकरेंचा गेम केला, शिंदे गटाच्या आमदाराचा गौप्यस्फोट
Shivsena : सुसाट भाजपला शिवसेनेचा ब्रेक; फडणवीसांचा ‘हा’ खास नेता ठाकरेंच्या दारी, हाती घेणार शिवबंधन
