प्रिती झिंटा (Preity Zinta): २२ वर्षांपूर्वी आजच्याच दिवशी सलमान खान, राणी मुखर्जी आणि प्रिती झिंटा स्टारर ‘हर दिल जो प्यार करेगा’ हा चित्रपट प्रदर्शित झाला होता. दिग्दर्शक राज कंवर दिग्दर्शित या चित्रपटाची निर्मिती साजिद नाडियादवाला यांनी केली आहे. राज यांनी याआधी ‘दीवाना’, ‘लाडला’, ‘जान’, ‘जीत’ आणि ‘जुदाई’ या चित्रपटांचे दिग्दर्शन केले होते.(Salman Khan, Rani Mukerji, Preity Zinta, Director Raj Kanwar, Sajid Nadiadwala)
या चित्रपटाने त्याच्या हिट चित्रपटांच्या यादीतही भर घातली आणि वर्षातील सर्वाधिक कमाई करणारा सातवा चित्रपट ठरला. १३ कोटींच्या बजेटमध्ये बनलेल्या या चित्रपटाने बॉक्स ऑफिसवर ३२ कोटींची कमाई केली. चित्रपटाची कथा लव ट्रायंगलवर आधारित होती. यात सलमान, प्रीती आणि राणी व्यतिरिक्त राजीव वर्मा, परेश रावल, नीरज वोरा, शक्ती कपूर, सतीश शाह, कामिनी कौशल आणि विनय पाठक या कलाकारांनी काम केले होते.
या चित्रपटानंतर २००१ मध्ये रिलीज झालेल्या ‘चोरी चोरी चुपके चुपके’ या चित्रपटात सलमान खान, राणी मुखर्जी आणि प्रीती झिंटा पुन्हा एकदा एकत्र दिसले होते. या तिघांनी चित्रपट आधी साइन केला असला तरी ‘हर दिल जो प्यार करेगा’ हा चित्रपट आधी प्रदर्शित झाला होता.
साजिद नाडियादवालासोबत सलमानचा हा तिसरा चित्रपट होता. दोघांनी यापूर्वी ‘जीत’ (१९९६) आणि ‘जुडवा’ (१९९७) मध्ये एकत्र काम केले होते. हा चित्रपट १९९७ मध्ये प्रदर्शित झालेल्या मोहनलाल स्टारर मल्याळम चित्रपट ‘चंद्रलेखा’चा हिंदी रिमेक होता. चित्रपटाचे मूळ कथानक देखील १९९५ च्या हॉलिवूड चित्रपट व्हाइल यू वर स्लीपिंग’ मधून घेतले आहे. याशिवाय चित्रपटाची कथाही ‘तुम से कहना था’ या पाकिस्तानी नाटकावरून प्रेरित आहे.
या नाटकात अली हैदर आणि मरिना खान मुख्य भूमिकेत दिसले होते. ४० व्या फिल्मफेअर पुरस्कारांमध्ये, राणी मुखर्जीला या चित्रपटासाठी सर्वोत्कृष्ट सहाय्यक अभिनेत्री म्हणून नामांकन मिळाले होते. मात्र, तिला हा पुरस्कार आपल्या नावावर करता आला नाही. हा पुरस्कार जया बच्चन यांनी यावर्षी प्रदर्शित झालेल्या हृतिक रोशन स्टारर ‘फिजा’ चित्रपटासाठी जिंकला होता.
चित्रपटात राणी आणि सलमानचे खोटे लग्न दाखवण्यात आले होते. याच कथानकाची पुनरावृत्ती या वर्षी प्रदर्शित झालेल्या आणखी दोन चित्रपटांमध्ये झाली. हे चित्रपट होते ‘कुंवरा’ आणि ‘ढाई अक्षर प्रेम के’. या चित्रपटाच्या शेवटच्या सीनमध्ये सलमान खान आणि शाहरुख खान एकत्र दिसले होते. यामध्ये शाहरुखने गेस्ट अपिअरन्स दिला होता. ‘करण अर्जुन’, ‘दुष्मन दुनिया का’ आणि ‘कुछ कुछ होता है’ नंतरचा हा त्यांचा तिसरा चित्रपट होता.
निर्मात्यांनी चित्रपटाच्या कास्टिंगमध्ये बरेच बदल केले आहेत. प्रिती झिंटाच्या भूमिकेसाठी तब्बूची प्रथम निवड झाली होती. तिने चित्रपट सोडला तेव्हा करिश्मा कपूरला या भूमिकेसाठी साइन केले गेले. त्यानंतर जेव्हा करिश्मानेही चित्रपट सोडला तेव्हा याच भूमिकेसाठी अमिषा पटेलची चर्चा झाली. तारखांच्या कमतरतेमुळे अमिषानेही या चित्रपटासाठी नकार दिला, मग अखेर ही भूमिका प्रीती झिंटापर्यंत पोहोचली.
तसेच याआधी अनिल कपूर सलमान खानची भूमिका साकारणार होता. त्याच वेळी, महिमा चौधरीला राणी मुखर्जीच्या भूमिकेसाठी साइन केले गेले. इतकेच नाही तर राणी मुखर्जी आणि प्रीती झिंटाने साकारलेल्या पात्रांसाठी मिस युनिव्हर्स सुष्मिता सेन आणि मिस वर्ल्ड ऐश्वर्या राय यांच्या नावांचाही विचार करण्यात आला.
महत्वाच्या बातम्या
जेव्हा लीक झाली होती सलमान खानची ऑडिओ टेप, प्रिती झिंटासोबतच्या नात्याची झाली होती चर्चा
Ujjwal nikam: सुप्रीम कोर्टातील घडामोडींनी एकनाथ शिंदे टेंशनमध्ये? मध्यरात्री घेतली उज्ज्वल निकमांची भेट
बॉलिवूडच्या या अभिनेत्रींनी कपड्यासारखे बदलले बॉयफ्रेंड, कुणाचं 10 तर कोणाचं 12 लोकांसोबत होतं लफडं
