Pawandeep Rajan, Music Director, Prem Geet 3, Indian Idol/ ‘इंडियन आयडॉल 12′ (Indian Idol 12) या रिअॅलिटी शोचा विजेता उत्तराखंडचा रहिवासी असलेला गायक पवनदीप राजन (Pawandeep Rajan) आता म्यूजिक डायरेक्टर बनला आहे. होय, त्याने आगामी ‘प्रेम गीत 3’ या चित्रपटातील ‘कोई ना कोई नाता है’ हे रोमँटिक गाणे तयार केले आहे. निर्माते सुभाष काळे यांचे या चित्रपटातील धमाकेदार गाणे झी म्युझिक वर रिलीज झाले आहे, ज्याने काही वेळातच लाखो व्ह्यूज मिळवले आहेत.
पवनदीप राजन म्हणाला, माझ्यासाठी ही एक मोठी संधी आहे. माझा अजूनही यावर विश्वास बसत नाही. हिंदी चित्रपटात माझे गाणे येणे हे माझ्यासाठी एक स्वप्नवत अनुभव आहे. निर्माते सुभाष काळे जी यांनी मला खूप मोठी संधी दिली. या चित्रपटासाठी चांगले संगीत देण्याचा बहुमान मला मिळाला आहे. ‘प्रेम गीत 3’ अप्रतिम सिनेमा बनवला आहे. मी या चित्रपटाबद्दल खूप उत्सुक आहे. यात प्रेमकथेसोबतच उत्तम अॅक्शन आहे.
पवनदीप पुढे म्हणाला, सुभाष काळेजींनी मला हवे तसे संगीत तयार करायचे स्वातंत्र्य दिले होते. जुबिन नौटियालचा आवाज या गाण्यासाठी योग्य होता, तो आमच्यासाठी ज्येष्ठ आहे. आम्ही दोघेही उत्तराखंडचे आहोत. त्याच्यासोबत काम करणे हा देखील एक संस्मरणीय अनुभव होता. माझ्या या प्रवासात मी खूप आनंदी आहे, मी शिकत आहे.
निर्माते सुभाष काळे म्हणाले, पवनदीप राजनने एक अप्रतिम धून तयार केली आहेत. जुबिन नौटियाल यांनी ते खूप मनापासून गायले आहे. आमचा ‘प्रेम गीत 3’ चित्रपट 23 सप्टेंबर रोजी प्रदर्शित होत आहे. मला पवनदीपने ते गाण्याची इच्छा आहे. ‘इंडियन आयडॉल’मध्ये पवनदीपला जेवढे प्रेम मिळाले तेवढेच प्रेम प्रेक्षकांनी या गाण्यालाही द्यावे, अशी माझी इच्छा आहे. या गाण्यात सुपरहिट होण्याचे सर्व गुण आहेत.
निर्माते सुभाष काळे यांनी गीतकार होण्याबाबत सांगितले की, आम्ही हे गाणे करत असताना पवनदीप खूप व्यस्त होता. रुबीने खूप चांगले लेखन केले होते. आमच्यावर लवकरच गाणे तयार करण्याचे दडपण होते, अशा परिस्थितीत मला संघर्ष करावा लागला आणि हे गाणे लिहावे लागले.
सुभाष काळे पुढे म्हणाले, नक्कीच ‘प्रेम गीत 3’ हा एक पीरियड अॅक्शन चित्रपट आहे. वॉर सिक्वेन्स आहे, पण त्यात एक सुंदर प्रेमकथा आणि उत्तम संगीतही आहे. राहत फतेह अली खान, पलक मुच्छाल यांसारख्या गायकांनीही यात गाणी गायली आहेत.
23 सप्टेंबर 2022 रोजी मोठ्या पडद्यावर प्रदर्शित होणारा ‘प्रेम गीत 3’ हा पहिला इंडो-नेपाळी चित्रपट आहे. त्याच्या टीझरलाही अप्रतिम प्रतिसाद मिळत आहे. नेपाळी चित्रपटसृष्टीतील सर्वात मोठा स्टार प्रदीप खडका या चित्रपटाचा नायक आहे, मुख्य अभिनेत्री क्रिस्टीना गुरुंग आहे.
प्रदीप खडका आणि क्रिस्टीना गुरुंग व्यतिरिक्त, प्रेम गीत 3 मध्ये शिव श्रेष्ठ, माओ झेडोंग, सुनील थापा आणि मनीष राऊत देखील आहेत. याचे दिग्दर्शन संतोष सेन आणि दिवंगत चेतन गुरुंग यांनी केले आहे. मनदीप गौतमसह चेतन गुरुंग यांनीही या चित्रपटाचे लेखन केले होते. सुभाष काळे यांच्याशिवाय संतोष सेन, प्रशांत कुमार गुप्ता, सुषमा शिरोमणी, मुरली तिलवाणी आणि डॉ. योगेश लखानी प्रेम गीत 3 चे निर्माते आहेत.
महत्वाच्या बातम्या-
बर्फाच्या वादळातही न डगमगता उभा आहे भारतमातेचा जवान, व्हिडिओ पाहून तुम्हीही ठोकाल सलाम
इंडियन आयडॉलमधून लोकप्रियता मिळवलेला सवाई भट जगतोय ‘असे’ आयुष्य, स्वत:चे घरही नाही
पवनदीप आणि अरुणिता कांजीलालच्या अफेअरच्या चर्चांना उधाण, ‘तो’ व्हिडीओ झाला व्हायरल
लग्जरी गाड्यांसह ‘एवढ्या’ करोडचा मालक आहे पवनदीप राजन, जगभरात केलेत १२०० शोज
