“डिलिव्हरी बॉय निर्दोष असल्याची मला खात्री”, झोमॅटो बॉय प्रकरणात परिणीती चोप्राची उडी

बंगळूरू | बंगळूरूमध्ये काही दिवसांपुर्वी एका मॉडेलचा आणि झोमॅटो डिलिव्हरी बॉयचा वाद झाला होता. वादावादीत डिलिव्हरी बॉय कामराजनने मारहाण केल्याचा आरोप मॉडेल हितेशाने केला होता. डिलिव्हरी बॉयला पोलिसांनी अटक केल्यानंतर त्याने ती मॉडेल खोटे बोलत असल्याचं सांगितलं होतं.

पोलिसांना कामराजनने सांगितले की ऑर्डर आणण्यास उशीर झाल्याने त्या तरूणीनेच मला चपलेने मारहाण केली आहे. मला शिवीगाळ केली आहे. त्यानंतर डिलिव्हरी बॉयच्या पाठिशी अनेकजण उभा राहिले आहेत. आता बॉलिवूड अभिनेत्री परिणीती चोप्रा सुध्दा त्याच्या मदतीसाठी पुढे आली आहे.

ट्विट करत परिणीती चोप्राने म्हटले आहे की, “झोमॅटो इंडिया कृपया या प्रकरणातील सत्य शोधून काढा. आलेली माहिती सार्वजनिक करा. जर तो व्यक्ती निर्दोष असेल तर त्या महिलेविरोधात कारवाई करण्यासाठी मदत करा. तो व्यक्ती निर्दोष असल्याची मला पुर्ण खात्री आहे. त्या व्यक्तीची मी कशी मदत करू शकते. याबाबत मला मार्गदर्शन करा.”

अभिनेत्री परिणीती चोप्रासह अनेकजण कामराजनच्या पाठीशी उभे राहिले आहेत. कामराजन खरं बोलत असून त्या महिलेने खोटे आरोप त्याच्यावर लावलेले आहेत. असं अनेकांनी म्हटलं आहे.

दरम्यान सोशल मिडियावर कामराजन याचा एक व्हिडिओ व्हायरल होत आहे. त्यामध्ये तो हात जोडून रडत रडत त्याला झालेला त्रास सांगत आहे. पोलिस या प्रकरणाचा सखोल तपास करून या प्रकरणात काय सत्य बाहेर येतयं हे पाहणं महत्वाचं ठरणार आहे.
महत्वाच्या बातम्या-
सचिन वाझेंनी IPL खेळाडूंकडे खंडणी मागितली; नितेश राणेंचा गंभीर आरोप
राज्यातील राजकीय घडामोडींना वेग; आघाडी सरकारच्या मंत्रिमंडळात होणार मोठे फेरबदल
अभिनेते जॅकी श्रॉफला घरकाम करणाऱ्या तरूणीच्या आजीचं निधन झाल्याचं समजलं अन्…
इथे कोरोना वाढतोय आणि तुम्ही लस दुसऱ्या देशांना का वाटत बसलाय? कोर्टाने मोदी सरकारला झापले

Comments are closed, but trackbacks and pingbacks are open.