तुम्ही कायद्यापेक्षा मोठे आहात का? FIRशिवाय सीबीआय चौकशी कशी? परमबीरसिंगांना कोर्टाने फटकारले

मुंबई : माजी पोलीस आयुक्त व सध्या पोलीस महासंचालक असलेले परमबीर सिंग यांनी गृहमंत्री अनिल देशमुख यांच्यावर १०० कोटींच्या खंडणीचा आरोप केला आहे.  याप्रकरणी, सर्वोच्च न्यायालयाने फटकारल्यांतर त्यांनी उच्च न्यायालयात याचिकाही दाखल केली आहे.

सुनावणीच्या पहिल्याच दिवशी न्यायालयाने परमबीर सिंग यांना अनेक प्रश्न विचारले आहेत. एफआयआर दाखल न करता सीबीआयची चौकशी कशी? थेट सीबीआयकडे चौकशी दिल्याचं एक तरी उदाहरण दाखवा, असा सवाल करतानाच तुम्ही कायद्यापेक्षा मोठे आहात का?, अशा शब्दात उच्च न्यायालयाने सिंग यांना फटकारले.

न्यायमूर्ती दीपांकर दत्ता आणि न्यायमूर्ती गिरीश कुलकर्णी यांच्या खंडपीठासमोर ही सुनावणी सुरू आहे. परमबीर यांच्या बाजूनं जेष्ठ वकील विक्रम नानकानी, तर राज्य सरकारकडून महाधिवक्ता आशुतोष कुंभकोणी बाजू मांडत आहेत.

यावेळी मुंबई हायकोर्टानं परमबीर सिंह यांना विचारलं की, गृहमंत्री अनिल देशमुख यांनी १०० कोटी रुपयांची मागणी तुमच्यासमोर केली होती का?.’ तसेच सुनावणीदरम्यान, उच्च न्यायालयाने अनिल देशमुखांवरील आरोपासंबंधी काही पुरावे आहेत का? असाही प्रश्न परमबीर सिंह यांना विचारला.

तसेच, तुम्ही ज्या कनिष्ठ अधिकाऱ्यांच्या हवाल्याने आरोप केले आहेत, त्यांचे प्रतिज्ञापत्र तरी जोडले आहे का?”. “उद्या मलाही मुख्य न्यायमूर्ती म्हणून कोणीही काही सांगेल, मग त्यावर विसंबून चौकशीचे आदेश दिले जाऊ शकतात का? कारवाई केली जाऊ शकते का?”, असेही प्रतिप्रश्न न्यायालयाने विचारले.

महत्त्वाच्या बातम्या 

सोमी अलीने एवढ्या वर्षांनंतर सांगितले तिच्या आणि सलमान खानच्या ब्रेकअपचे खरे कारण

धक्कादायक! १०० कोटींच्या प्रकरणात आता शरद पवारांचे नाव; चौकशीसाठी कोर्टात याचिका

लग्नाचे नाव काढल्यानंतर आलिया भट्टला बाथरुममध्ये बंद करण्याची धमकी देतात महेश भट्ट

Comments are closed, but trackbacks and pingbacks are open.