सर्वोच्च न्यायालयाने(Supreme Court) अटकपूर्व जामीन फेटाळल्यानंतर भाजप आमदार नितेश राणे(Nitesh Rane) काल सिंधुदुर्ग जिल्हा न्यायालयासमोर शरण आले. त्यानंतर आमदार नितेश राणे यांना पोलिसांनी तात्काळ अटक केली आहे. न्यायालयाने त्यांना दोन दिवसांची पोलीस कोठडी सुनावली आहे. न्यायालयासमोर शरण येण्यापूर्वी भाजप आमदार नितेश राणे यांनी ‘समय बलवान होता है’ असा आशयाचे ट्विट करत ठाकरे सरकारला टोला लगावला होता.(nitesh rane delete amit shah photo tweet )
हे ट्विट करत असताना आमदार नितेश राणे यांनी केंद्रीय मंत्री अमित शाह(Amit Shah) यांचा सीबीआयने अटक केल्यानंतरचा फोटो शेअर केला होता. पण हे ट्विट आमदार नितेश राणे यांना महागात पडल्याची चर्चा आहे. केंद्रीय मंत्री अमित शाह यांचा फोटो असलेले ट्विट आमदार नितेश राणे यांनी डिलीट केले आहे. ठाकरे सरकारला इशारा देण्यासाठी आमदार नितेश राणे यांनी हे ट्विट केले होते.
आमदार नितेश राणे यांना हे ट्विट डिलीट करण्यासाठी थेट दिल्लीतून आदेश आले आहेत, अशी चर्चा सध्या राजकीय वर्तुळामध्ये रंगत आहे. २००९ मध्ये पी. चिदंबरम गृहमंत्री असताना अमित शहा यांना अटक करण्यात आली होती. या घटनेची माहिती देणारे ट्विट भाजप आमदार नितेश राणे यांनी केले होते.
या ट्विटमध्ये आमदार नितेश राणे यांनी आणखी एका घटनेचा उल्लेख केला आहे. १० वर्षानंतर अमित शहा गृहमंत्री असताना पी. चिदंबरम यांना अटक करण्यात आली होती. या घटनेचा उल्लेख करताना आमदार नितेश राणे यांनी “समय बडा बलवान होता है, इन्सान खामखा गुरुर करता है” असे कॅप्शन देत ठाकरे सरकारला टोला लगावला होता.
संतोष परब हल्लाप्रकरणी भाजप आमदार नितेश राणे यांचा जामीन सिंधुदुर्ग जिल्हा न्यायालयाने फेटाळला होता. त्यानंतर आमदार नितेश राणे यांच्यावतीने ज्येष्ठ वकील सतीश मानेशिंदे यांनी मुंबई उच्च न्यायालयात जामिनासाठी अर्ज केला होता. हा अर्ज मागे घेण्यात आला आहे. यानंतर आमदार नितेश राणे सिंधुदुर्ग जिल्हा न्यायलायसमोर शरण आले.
यानंतर आमदार नितेश राणे यांची पोलीस कोठडीत रवानगी करण्यात आली आहे. यादरम्यान केंद्रीय मंत्री नारायण राणे यांनी सिंधुदुर्गमध्ये येण्याची तयारी सुरु केली आहे. शुक्रवारी केंद्रीय मंत्री नारायण राणे सिंधुदुर्ग विमानतळावर दाखल होणार आहेत. यानंतर केंद्रीय मंत्री नारायण राणे सिंधुदुर्गमधील विविध कार्यक्रमांना हजेरी लावणार आहेत. आमदार नितेश राणे यांच्या अटकेसंदर्भात केंद्रीय मंत्री नारायण राणे कोणती प्रतिक्रिया देतात, याकडे सर्वांचे लक्ष लागले आहे.
महत्वाच्या बातम्या :-
किरण माने उद्या पत्रकार परिषद घेऊन करणार अनेक खुलासे; म्हणाले, जीवाचं रान करीन पण..
झुम मिटींग दरम्यान महिला शिक्षिका गुंतली सेक्समध्ये, धक्कादायक व्हिडिओ झाला व्हायरल
वेश्याव्यवसायात ढकलल्यानंतर ‘या’ अभिनेत्रीला झाला होता एड्स, शेवटच्या क्षणी झाली होती वाईट अवस्था
