त्या धनंजय मुंडेला विचारा शेण खाऊन कसं सटकायचं; निलेश राणेंची जहरी टीका

मुंबई : राज्यात भाजपला डावलून शिवसेना, राष्ट्रवादी आणि कॉंग्रेस यांनी मिळून महाविकास आघाडी सरकार स्थापन केले. मात्र राज्यात महाविकास आघाडी सरकार सत्तेत आल्यापासून या सरकारमधील अनेक नेते सतत वादाच्या भोवऱ्यात सापडत आहेत.

गेल्या काही महिन्यांपूर्वीच सामाजिक न्यायमंत्री धनंजय मुंडे यांच्यावर रेणू शर्मा या महिलेने अत्याचाराचे गंभीर आरोप केले होते. यामुळे राजकीय वर्तुळात खळबळ उडाली होती. भाजपने त्यांच्या राजीनाम्याची मागणी केली होती. मात्र, राजकारण होत असल्याचे कारण देत रेणू शर्मा या महिलेने आपली तक्रार मागे घेतली होती.

त्यानंतर राज्यात पूजा चव्हाण प्रकरण देखील चांगलेच गाजले. या प्रकरणात संबंध असल्याचे आरोप शिवसेना नेते व माजी मंत्री संजय राठोड यांच्यावर करण्यात आले होते. भाजपने याप्रकरणी आक्रमक पवित्रा घेतल्याने मुख्यमंत्री उद्धव ठाकरे यांनी त्यांचा राजीनामा घेतला.

दरम्यान, यावरून भाजप नेते निलेश राणे यांनी ठाकरे सरकारवर जोरदार शाब्दिक निशाणा साधला आहे. ‘काँग्रेस आणि राष्ट्रवादी वाले इतके विस्कटले आहेत की TV समोर येऊन तेच तेच बोलतायत,’ अशी टीका निलेश राणे यांनी केली आहे.

‘त्या धनंजय मुंडे ला विचारा शेण खाऊन कसं सटकायचं. हे राष्ट्रवादीवाले स्वतःला फार मोठे समजतात पण ह्यांची वाट एक महिला नाही तर एक पोलिसवाले लावून जातात,’ अशा शब्दात निलेश राणे यांनी महाविकास आघाडी सरकारमधील नेत्यांना लक्ष केले आहे.

महत्त्वाच्या बातम्या 

ठाकरे सरकारला झटका! आणखी एक बडा पोलिस अधिकारी राज्य सरकारविरोधात हायकोर्टात जाणार

चाहत्याने जान्हवी कपूरला किस करण्याची इच्छा केली जाहीर; जान्हवीने दिली ‘अशी’ प्रतिक्रिया

नेपोटिझम किंग करण जोहर परत एकदा स्टार किडला करणार लॉन्च; जाणून घ्या कोण आहे ती स्टार किड

Comments are closed, but trackbacks and pingbacks are open.