शिवसेनेचे जेष्ठ नेते आणि कॅबिनेट मंत्री एकनाथ शिंदे यांनी पक्षाविरोधात बंडखोरी केली आहे. शिवसेनेचे नेते एकनाथ शिंदे यांच्यासोबत सध्या ४६ आमदार आहेत. हे सर्व आमदार गुवाहाटीमधील रेडिसन ब्लु या हॉटेलमध्ये वास्तव्यास आहेत. या बंडखोरीनंतर महाराष्ट्रात राजकीय संकट निर्माण झालं आहे. एकनाथ शिंदे(Eknath Shinde) यांच्या भूमिकेमुळे महाविकास आघाडी सरकार अल्पमतात येण्याची शक्यता निर्माण झाली आहे.(NCP’s eye on Shiv Sena’s rebel MLAs; NCP’s eye on Shiv Sena’s rebel MLAs; Watching from a hotel in Guwahati)
शिवसेनेने आज राष्ट्रीय कार्यकारिणीच्या बैठकीचे आयोजन केले आहे. या बैठकीत बंडखोर आमदारांच्या बाबतीत काही महत्वाचे निर्णय घेतले जाण्याची शक्यता वर्तविली जात आहे. तसेच आज भाजपच्या कोअर कमिटीची देखील बैठक होणार आहे. एकनाथ आणि बंडखोर ४६ आमदार सध्या नवीन गट स्थापन करण्यासंदर्भातील रणनीती आखण्यात व्यस्त आहेत.
यादरम्यान राष्ट्रवादी काँग्रेस पक्षाने या प्रकरणात एंट्री घेतली आहे. राष्ट्रवादी काँग्रेस पक्षाचे काही पदाधिकारी सध्या गुवाहाटीत पोहचले आहेत. एकनाथ शिंदे आणि त्यांचे सहकारी सध्या गुवाहाटीमधील रेडिसन ब्लु या हॉटेलमध्ये आहेत. या हॉटेलबाहेर राष्ट्रवादी काँग्रेस पक्षाचे काही पदाधिकारी टेहळणी करताना आढळले आहेत.
यावरून सध्या राजकीय वर्तुळात चर्चांना उधाण आले आहे. राष्ट्रवादी काँग्रेस पक्षाचे कुशल करंजावणे आणि सुहास उभे सध्या गुवाहाटीमध्ये आहेत. कुशल करंजावणे हे राष्ट्रवादी विद्यार्थी काँग्रेसचे सचिव आहेत. तसेच सुहास उभे हे राष्ट्रवादी काँग्रेस पक्षाचे राज्य समन्वयक आहेत. कुशल करंजावणे आणि सुहास उभे हे दोघे एकनाथ शिंदे आणि त्यांचे सहकारी वास्तव्यास असलेल्या रेडिसन ब्लु या हॉटेलबाहेर फिरताना दिसले आहेत.
यावरून अनेक तर्क-वितर्क लावले जात आहेत. शिवसेनेने एकनाथ शिंदे यांना गटनेते पदावरून हटवले आहे आणि त्यांच्याजागी अजय चौधरी यांची नियुक्ती करण्यात आली आहे. दुसरीकडे एकनाथ शिंदे यांनी ४६ बंडखोर आमदारांना सोबत घेऊन स्वतंत्र गट स्थापन करण्याचा निर्णय घेतला आहे. एकनाथ शिंदे यांच्या गटाने भरत गोगावले आणि बच्चू कडू यांची प्रवक्तेपदी निवड केली आहे.
एकनाथ शिंदे यांच्या गटाला भाजपचा पाठिंबा असल्याचे सांगितले जात आहे. त्यामुळे एकनाथ शिंदे यांच्या गटाकडून सत्ता स्थापनेचा दावा केला जाण्याची शक्यता वर्तविली जात आहे. यासाठी चर्चा करण्यासाठी शिंदे गटाकडून एक शिष्टमंडळ तयार करण्यात आलं आहे. या शिष्टमंडळात शिंदे गटातील शंभूराज देसाई, बच्चू कडू, दादा भुसे आणि भरत गोगावले अशा काही महत्वाच्या आमदारांचा समावेश करण्यात आला आहे.
महत्वाच्या बातम्या :-
राहुल द्रविडच्या मुलाचे नाव आहे खुपच खास, बाळासाठी गोंडस नाव शोधत असाल तर ‘ही’ यादी पाहा
“मला कोरोना झाला होती तेव्हा तुम्ही..”, राज ठाकरेंच्या आॅपरेशननंतर आव्हाडांनी दिली ‘ही’ प्रतिक्रीया
द्रौपदी राष्ट्पती मग कौरव आणि पांडव कोण? राम गोपाल वर्मांच्या ट्विटनंतर भाजपने केली ‘ही’ कारवाई
