राज्यात राष्ट्रवादीच्या नेत्यांचे तुरुंगात जाणे सुरूच आहे. भाजप वगळता इतर सर्वच पक्षाच्या नेत्यांचे तुरुंगात आत-बाहेर जाणे सुरूच आहे. अनिल देशमुख, नवाब मलिक यांसारख्या बड्या नेत्यांना तुरुंगवास झाला. काही दिवसांपूर्वीच नवाब मलिक हे तुरुंगातून बाहेर आले. परंतु अद्याप अनिल देशमुखांची तुरुंगातून सुटका झाली नाही. अशातच राज्याबाहेरील राष्ट्रवादीचे एकमेव खासदार मोहम्मद फैजल यांना १० वर्षाच्या तुरुंगवासाची शिक्षा सुनावली गेली आहे.
खुनाचा प्रयत्न केल्याप्रकरणात मोहम्मद फैजल यांना १० वर्षाची शिक्षा सुनावण्यात आली आहे. लक्षद्वीपच्या करवत्ती जिल्हा व सत्र न्यायालयाने या निर्णयाची सुनावणी केली आहे. मोहम्मद फैजल हे राष्ट्रवादी पक्षाचे अध्यक्ष शरद पवार यांचे जवळचे कार्यकर्ते मानले जातात.
२००९ साली हत्येचा प्रयत्न केल्याप्रकरणात १० वर्षांच्या कारावासाची शिक्षा ठोठावण्यात आली आहे. २०१४ पासून मोहम्मद फैजल हे केंद्रशासित प्रदेशाचे प्रतिनिधित्व करत आहे. दरम्यान फैजल आणि अजून तीन दोषींचा जमीन न्यायालयाने नाकारला आहे.
२००९ च्या या प्रकरणात एकूण २३ आरोपी होते. या २३ आरोपींपैकी चार आरोपींना शिक्षा झाली आहे. मोहम्मद फैजल यांनी त्यांच्याच नातेवाईकांवर प्राणघातक हल्ला केला होता. हा हल्ला केल्याप्रकरणी फैजल यांना दोषी ठरवण्यात आले होते.
एका शेडच्या बांधकामावरून झालेल्या वादात सलीह यांच्यावर एका गटाने प्राणघातक हल्ला केला होता. या गटाचे नेतृत्व फैजल यांनी केले होते असा त्यांच्यावर लावण्यात आलेल्या आरोपात म्हटले आहे. या हल्ल्यानंतर सलीह यांना केरळला उपचारासाठी नेण्यात आले होते. तेथे त्यांच्यावर अनेक महिने उपचार करण्यात आले.
मोहम्मद फैजल हे लक्षद्वीपचे माजी लोकसभा सदस्य आणि काँग्रेसचे ज्येष्ठ नेते पीएम सईद यांचे जावई आहेत. या प्रकरणात दोषींवर एक लाख रुपयांचा दंडही सुनावण्यात आला आहे. राजकीयदृष्ट्या हे प्रेरित प्रकरन असून लवकरच मी वरिष्ठ न्यायालयात अपील दाखल करेल असे मोहम्मद फैजल यांनी सांगितले आहे.
महत्वाच्या बातम्या
amarjit pawar : नादखुळा! राष्ट्रवादीचा सरपंच झाला अन् पठ्ठ्याचा प्रण पुर्ण झाला, तीन वर्षांनंतर कापणार दाढी अन् केस
ncp : भाजपच्या गडात राष्ट्रवादीचा धुमाकूळ; ठाकरेंना धोका दिलेल्या खासदाराचा तर सुपडा साफ, एकाही जागी यश नाही
Uddhav Thackeray : उद्धव ठाकरेंना काँग्रेस आणि राष्ट्रवादीपासून धोका; राज्यातील बड्या उघड केला आतला प्लॅन
