Nashik News: मनमाड शहरात (Manmad City Nashik) नगर परिषदेच्या निवडणुकीची धामधूम सुरू असतानाच एक अनपेक्षित आणि वेदनादायक घटना घडली आहे. प्रभाग क्रमांक 10 ‘अ’ मधील शिवसेना ठाकरे गटाचे नितीन वाघमारे (Nitin Waghmare Candidate) यांचे काल रात्री अचानक हृदयविकाराच्या झटक्याने निधन झाल्याने सर्वत्र हळहळ व्यक्त केली जात आहे. त्यांच्या निधनानंतर मनमाड परिसरात दु:खाची लाट उसळली असून नागरिक, स्थानिक कार्यकर्ते तसेच समर्थकांत शोककळा पसरली आहे.
निवडणुकीच्या तोंडावर आलेले हे दुःख शिवसेना ठाकरे गटाला (Shivsena UBT Faction) मोठी धक्का देणारे ठरले आहे. प्रभागातील सक्रिय आणि लोकप्रिय चेहरा म्हणून ओळखल्या जाणाऱ्या वाघमारे यांच्या निधनामुळे पक्षाच्या प्रचारयंत्रणेवर परिणाम झाला असून कार्यकर्त्यांमध्ये निराशेचं वातावरण निर्माण झालं आहे. निवडणुकीची तयारी, उमेदवारी आणि प्रचाराचा वेग या सर्वांवर या अचानक घटनेनं पाऊस पाडल्याचं चित्र आहे.
नितीन वाघमारे हे प्रभाग क्रमांक 10 ‘अ’ मध्ये ओळखले जाणारे, जनसंपर्कात पुढे असलेले आणि पक्षाच्या कामात नेहमी सक्रिय राहिलेले कार्यकर्ते होते. त्यांच्या निधनानं पक्षात पोकळीचं वातावरण तयार झालं असून अनेक स्थानिक नागरिकांनी त्यांच्या कार्याची आठवण काढत श्रद्धांजली व्यक्त केली आहे. प्रभागातील निवडणूक प्रक्रियेवरही या घटनेचा काही प्रमाणात परिणाम होऊ शकतो, अशी चर्चा स्थानिकांमध्ये सुरू आहे.
नगराध्यक्षपदासह 33 नगरसेवक पदांसाठी माघारीनंतरचं चित्र स्पष्ट झाल्यानं मनमाडमध्ये निवडणूक रंगात आली आहे. नगराध्यक्ष पदासाठी 9 उमेदवार आणि नगरसेवकांच्या 33 जागांसाठी तब्बल 215 उमेदवार रिंगणात उतरले आहेत. त्यामुळे प्रभागनिहाय मोठी चुरस निर्माण झाली आहे. नऊ वर्षांनंतर होत असलेल्या या निवडणुकीत तरुण वर्गही मोठ्या संख्येने उमटताना दिसत आहे.
उमेदवारांनी गावोगाव, गल्ली-बोळांत प्रचाराचा वेग वाढवला असून मतदारांशी थेट संवाद साधण्याचा प्रयत्न सुरू आहे. काही ठिकाणी मात्र माजी नगरसेवकांना मतदारांच्या नाराजीला सामोरं जावं लागत असल्याचंही दिसत आहे.
मनमाड नगर परिषद निवडणुकीत शिवसेना, भाजप, आरपीआय महायुतीसोबत तर उद्धव ठाकरे गट आणि अजित पवार गट वेगळ्या रेषेवर उतरले आहेत. काँग्रेसनं 9 जागांवर उमेदवार दिले असून राष्ट्रवादी शरद पवार गट, वंचित बहुजन आघाडी, बहुजन समाज पक्ष आणि अनेक अपक्ष उमेदवारही मैदानात आहेत.
नगराध्यक्ष पदासाठी शिवसेना–भाजप युतीचे बोगेश पाटील, उद्धव ठाकरे गटाचे प्रवीण नाईक, अजित पवार गटाचे रविंद्र घोडेस्वार, राष्ट्रवादीच्या शुभम चुनियान, वंचित आघाडीचे नितीन जाधव, बहुजन समाज पक्षाचे प्रवीण पगारे तसेच काही अपक्ष उमेदवार अशी बहुरंगी स्पर्धा रंगणार आहे.
